Hetyja minskija katy majuć ułasny harderob i naviedvajuć restarany — jak žyviecca Azuru i Prušy FOTY
U minułym katy Pruša i Azur — biazdomnyja žychary biełaruskich vulic, jakich adtul zabrali vałanciory. Siońnia ž jany viaduć raskošny ład žyćcia, jakomu pazajzdrościć i čałaviek.
Dziakujučy minčancy Uładlenie, jakaja ich prytuliła, Pruša i Azur naviedvajuć staličnyja kafe, zdymajucca ŭ rekłamie, majuć harderob dla ŭsich siezonaŭ i navat adpačyvajuć u sanatoryi. Pra ŭsio heta žančyna raskazvaje ŭ svaich sacsietkach.
Novy dzień katoŭ amal nikoli nie padobny da papiaredniaha: voś jany ŭ kaviarni z kavaj i desiertam na stale, a voś pajšli na šopinh u «Dana Moł». Siońnia katy mohuć razam z haspadarami viačerać u restaranie francuzskaj kuchni, a ŭžo zaŭtra łavić zachoplenyja pohlady minakoŭ na terasie rybnaj ustanovy SeaFoodBar.
Pry hetym u kaviarni čatyrochłapyja chodziać nie tolki za kampaniju z haspadarami — svoj dzień narodzin kožny ź ich adznačaŭ pa-za domam u śviatočnym vobrazie i sa śpiecyjalnym desiertam i śviečkaj u svoj honar.
Być kampańjonami Uładlena pačała pryvučać katoŭ z samaha malenstva. Niešta pra dresiroŭku pračytała ŭ pracach Juryja Kukłačova, ale ahułam tyja vielmi chutka asvoilisia ŭ bahiemnym ładzie žyćcia. I navat adzieńnie, jakoha ŭ ich užo cełaja kalekcyja, dla ich zaraz — zvyčajnaja paŭsiadzionnaść.
U kožnaha z katoŭ u kvatery majecca svaja nievialikaja šafa z uborami. Z takim pasaham jany ŭžo nie raz pieramahali ŭ tematyčnych konkursach na zvańnie «Samaha stylovaha hadavanca».
Dziakujučy dresiroŭcy, katy nie tolki stali tavaryšami dla špacyru, ale i pačali aktorskuju karjeru.
Tak, Prušu, naprykład, možna pabačyć u navahodniaj rekłamie «Śvietu tankaŭ» ad «Lesty». Taksama jon zdymaŭsia ŭ inšych proma-rolikach hetaj kampanii. Braŭ udzieł kot i ŭ zdymkach sacyjalnych videa, rekłamavaŭ korm.
Jaho małodšy «brat» u siłu svajho ŭzrostu maje mienšy akciorski dośvied, ale jon užo jość: Azur paśpieŭ paŭdzielničać u rekłamie brenda adzieńnia Nelva.
Što važna, z hanararaŭ katoŭ Uładlena abaviazkova pieravodzić častku hrošaj badziažnym žyviołam.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie11
Kamientary