Va Ukrainie zapeŭnili, što ZŠA praciahvajuć pieradavać raźviedvalnyja źviestki
ZŠA dalej pieradajuć Ukrainie raźviedvalnuju infarmacyju. Zatrymka z abviaščeńniem pavietranaj tryvohi padčas načnoha ŭdaru pa Kijevie 13 kastryčnika była źviazanaja z asablivaściami ŭzbrajeńnia, jakoje vykarystała Rasija. Pra heta zajaviŭ ministr zamiežnych spraŭ Ukrainy Andrej Sibiha na Varšaŭskim forumie pa biaśpiecy.
«Vy pytajeciesia, ci atrymlivajem my raźviedvalnuju infarmacyju ad amierykanskaha boku? Tak, my praciahvajem hetaje supracoŭnictva. Sapraŭdy, padčas minułaj načnoj ataki tryvohu abviaścili sa spaźnieńniem. Ale heta źviazana z asablivym typam uzbrajeńnia, jakoje vykarystaŭ rasijski bok», — skazaŭ Sibiha.
Raniej 13 kastryčnika prezident Ukrainy Uładzimir Zialenski paviedamiŭ, što padčas načnoj ataki piać rasijskich balistyčnych rakiet trapili pa cyvilnaj infrastruktury Kijeva. Pavodle jaho słoŭ, partniory nie papiaredzili Ukrainu pra hety ŭdar, choć takija raźviedvalnyja źviestki «dapamahajuć ratavać žyćci ludziej, i heta adno z samych krytyčnych pytańniaŭ».
Zialenski taksama zajaviŭ, što Uzbrojenyja siły Ukrainy ŭžo dvoje sutak nie atakujuć rasijskija naftapierapracoŭčyja zavody i enierhietyčnyja abjekty paśla taho, jak prezident ZŠA Donald Tramp abviaściŭ enierhietyčnaje pieramirje. Pry hetym Rasija praciahvaje nanosić udary pa enierhietyčnaj infrastruktury Ukrainy. Za toj ža pieryjad ataki zakranuli 19 rehijonaŭ krainy.
U Pavietranych siłach USU paćvierdzili, što zahadzia nie atrymali infarmacyi pra rakietny ŭdar, jaki rychtavaŭsia ŭ noč na 13 kastryčnika.
«Balistyčnyja celi byli vyjaŭlenyja radyjołakacyjnymi srodkami niepasredna padčas ataki na Kijeŭ. Infarmacyja pra puski z terytoryi praciŭnika nie pastupała», — paviedamili ŭkrainskija vajskoŭcy.
Pres-sakratar Pavietranych sił Juryj Ihnat adznačyŭ, što časam źviestki pra aktyŭnaść rasijskaj stratehičnaj avijacyi na aeradromach bazavańnia nie dachodziać da USU z techničnych pryčyn.
Raniej krynicy vydańnia Financial Times, znajomyja ź situacyjaj, paviedamlali, što padčas pieramoŭ z Ukrainaj Vašynhton na zahad Trampa zapatrabavaŭ spynić ataki na rasijskija naftapierapracoŭčyja zavody. U vypadku admovy ZŠA pahražali spynić abmien raźviedvalnaj infarmacyjaj.
Pasłancy Trampa padkreślivali, što Vašynhton zastajecca nadziejnym partnioram Kijeva i što ŭkrainskim uładam nie varta rabić krokaŭ, jakija mohuć nanieści škodu amierykanskim spažyŭcam. Raniej Tramp zajaŭlaŭ, što ŭdary pa rasijskich naftapierapracoŭčych zavodach spryjajuć rostu cen na paliva ŭ ZŠA.
Sibiha: Mienš čym za dva hady Ukraina prajšła šlach ad «u vas niama kart» da «nie hulajcie svaimi kartami»
Zialenski zajaviŭ, što partniory Ukrainy nie pieradali raźviedvalnyja źviestki pra rakietny ŭdar pa Kijevie
ZŠA i Jeŭropa raspracoŭvajuć mirny płan, jaki daść Ukrainie harantyi biaśpieki, a Rasii — ekanamičnyja vyhady
Administracyja Trampa pahražaje zabłakavać pastaŭki zbroi Ukrainie z-za atak na rasijskija NPZ
ZŠA pahražajuć Ukrainie spynieńniem pieradačy raźviedvalnych danych, kali ŭdary pa rasijskich NPZ praciahnucca
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie11
Kamientary