U «Minsk-Śviecie» na vulicy znajšli dvuch bratoŭ biez prytomnaści. Adzin ź ich pamior
Ranicaj 13 kastryčnika ŭ dvary doma na vulicy Aeradromnaj prachožaja zaŭvažyła dvuch mužčyn, jakija lažali na ziamli biez prytomnaści, i vyklikała chutkuju dapamohu.
Miedyki kanstatavali śmierć adnaho ź ich, druhoha terminova špitalizavali ŭ ciažkim stanie. Jak paviedamlajuć «Minsk-Naviny» sa spasyłkaj na staličnaje ŭpraŭleńnie Śledčaha kamiteta, mužčyny — 35‑hadovyja braty, jakija napiaredadni ŭžyvali ałkahol.
U čatach žyłoha kompleksu źjavilisia kadry z kamiery nazirańnia: nočču dvoje mužčyn siadzieli na łaŭcy ŭ kvartale «Emirats». Pavodle čałavieka, jaki apublikavaŭ zdymki, paźniej adzin ź ich upaŭ z łaŭki i zastaŭsia lažać na ziamli.
Na miescy pracujuć śledčyja i ekśpierty, apytvajuć vidavočcaŭ. Asnoŭnaja viersija — vostraje ałkaholnaje atručeńnie. Dakładnuju pryčynu śmierci pavinna vyznačyć sudova-miedycynskaja ekśpiertyza.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Praces nie abminie i hety rajon. A moža i projdzie jaho chutčej, bo zvyšuščylenaja zabudova mienš spryjalnaja dla žyćcia na doŭhaj pierśpiektyvie.