Vybuchoŭku dla rasijskich dyviersij u Jeŭropie pieravozili ahienty-biełarusy — WSJ z krynic u śpiecsłužbach
Uładzimir Pucin asabista zahadaŭ uzmacnić dyviersii suprać krain NATA, piša The Wall Street Journal sa spasyłkaj na źviestki amierykanskich śpiecsłužbaŭ. Paśla ataki na aeraport Lejpcyh/Hale pradstaŭnik Kramla papiaredziŭ Bierlin, što heta nie apošniaja cel. U padrychtoŭcy ataki ŭ Lejpcyhu, pavodle vydańnia, istotnuju rolu adyhryvali biełarusy.
Pra asabisty zahad Pucina The Wall Street Journal paviedamili troje jeŭrapiejskich čynoŭnikaŭ, aznajomlenych z vysnovami amierykanskich śpiecsłužbaŭ.
Pavodle surazmoŭcaŭ haziety, rasijanie ŭzmacnili dyviersijnuju dziejnaść na fonie adsutnaści istotnych pośpiechaŭ rasijskaj armii va Ukrainie i ŭsio bolš intensiŭnych ukrainskich udaraŭ pa abjektach u hłybini Rasii. U Maskvie taksama byli niezadavolenyja tym, što pieramovy z Vašynhtonam nie prymusili Kijeŭ pajści na sastupki.
Adnoj ź pieršych atak u miežach uzmocnienaj kampanii stała sproba dyviersii ŭ aeraporcie Lejpcyh/Hale 4 žniŭnia. Pavodle WSJ, adzin dron z vybuchoŭkaj urezaŭsia ŭ hruzavy samalot «Antonaŭ», jaki vykarystoŭvali dla pieravozki vajskovaj dapamohi Ukrainie, ale nie ŭzarvaŭsia. Druhi sutyknuŭsia ź inšym samalotam, treci ŭzarvaŭsia kala aharodžy aeraporta.
U padrychtoŭcy ataki ŭ Lejpcyhu, pavodle vydańnia, istotnuju rolu adyhryvali biełarusy. Niamieckija śledčyja ličać, što ich dziejańni kaardynavaŭ Aleh Lovuškin — były rasijski vajskoviec, zavierbavany rasijskaj vajskovaj vyviedkaj, viadomaj jak HRU.
«Lovuškin kiravaŭ niekalkimi biełaruskimi ahientami, jakija pieravozili vybuchoŭku praź miežy, źbirali bieśpiłotniki i raźmiaščali ich dla napadu», — piša WSJ sa spasyłkaj na śledčych i supracoŭnikaŭ vyviedki.
Sierbija słužyła dla hetaj sietki pieravałačnym punktam: adtul madyfikavanyja drony i vybuchovyja pryłady pierapraŭlali ŭ Hiermaniju.
Paźniej sierbskija ŭłady aryštavali siemiarych padazravanych, u tym liku čałavieka z rasijskim i sierbskim hramadzianstvami. Pavodle sierbskaj prakuratury, hrupa zakuplała i zachoŭvała vybuchoŭku i drony pierad adpraŭkaj u krainy Jeŭrasajuza.
Sam Lovuškin i jak minimum adzin jaho mierkavany saŭdzielnik ź Biełarusi pakinuli Hiermaniju za dva dni da ataki. Jak piša WSJ, jany vylecieli ŭ Sierbiju, a adtul — u Rasiju.
Za rasijskuju dyviersijnuju kampaniju, jak śćviardžajuć zachodnija čynoŭniki, adkazvaje padraździaleńnie śpiecyjalnych zadač HRU na čale z hienierał-pałkoŭnikam Andrejem Aviarjanavym.
Troje jeŭrapiejskich čynoŭnikaŭ, aznajomlenych z vysnovami amierykanskich śpiecsłužbaŭ, paviedamili WSJ, što zahad uzmacnić dyviersii suprać krain NATA asabista addaŭ Uładzimir Pucin.
Paśla niaŭdałaha napadu na aeraport pradstaŭnik Kramla, jaki padtrymlivaŭ nieaficyjny kanał suviazi ź niamieckim uradam, źviazaŭsia z pradstaŭnikom Bierlina. Pavodle čynoŭnikaŭ, znajomych sa źmiestam razmovy, jon papiaredziŭ: Lejpcyh nie budzie apošniaj metaj.
Rasija admaŭlaje datyčnaść da dyviersij u Jeŭropie.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary
Tamu treba praviarać historyi tych ahientaŭ, bijahrafii, i t.d., kab zapeŭnicca, chto jany, i paćviardžać svaju infarmacyju hramadztvu, a ŭžo potym viakać.
Posmotritie, čto tvorit sam łukašienko po otnošieniju ko vsiemu biełaruskomu i ostatkam biełarusov, čto tvorit jeho khb, jeho hubopik, jeho mvd i pojmiotie, čto biełarusov niet a jesť obsłuha russkich, počiemu-to proodołžajuŝieje sčitať siebia biełarusami.
Poetomu, obstiryvali russkich, kormili russkich, stroili dla russkich, prisłuživali russkim, vozili vzryvčatku dla russkich, vzryvali dla russkich, sadili dla russkich, ubivali dla russkich i prodołžim eto diełať.