U Biełarusi raspracoŭvajuć servis dla zaklučeńnia damoŭ anłajn
U Biełarusi raspracoŭvajuć elektronny servis «Je-Kantrakt», jaki dazvolić zaklučać damovy ŭ anłajn-farmacie. Adnym ź pieršych napramkaŭ jaho vykarystańnia stanie kupla-prodaž aŭtamabilaŭ. Pra heta 21 kastryčnika paviedamiŭ načalnik upraŭleńnia infarmacyjnych technałohij Nacyjanalnaha centra elektronnych pasłuh Jahor Voranaŭ, piša ahienctva «Minsk-Naviny».
Servis pryznačany dla spraščeńnia zaklučeńnia damoŭ pamiž hramadzianami, a taksama pamiž fizičnymi i jurydyčnymi asobami. Jon budzie pracavać na asnovie hatovych šabłonaŭ, u jakija nieabchodnyja źviestki pra ŭdzielnikaŭ ździełki płanujuć unosić aŭtamatyčna.
Karystalnikam zastaniecca pravieryć pravilnaść infarmacyi, uzhadnić umovy i padpisać dakumient. Heta dazvolić paźbiehnuć samastojnaha zapaŭnieńnia papier i abmienu šmatlikimi viersijami fajłaŭ.
Raspracoŭščyki razhladajuć roznyja sposaby padpisańnia dakumientaŭ. Akramia elektronnaha ličbavaha podpisu, prapracoŭvajucca alternatyŭnyja miechanizmy paćviardžeńnia zhody, u tym liku adnarazovyja paroli. Heta pavinna zrabić servis dastupnym i dla tych, u kaho niama adpaviednaha nośbita elektronnaha podpisu abo dakumienta ź nieabchodnymi mahčymaściami.
Adnym ź pieršych varyjantaŭ vykarystańnia servisu stanie afarmleńnie damovy kupli-prodažu aŭtamabila. Miarkujecca, što kupiec i pradaviec zmohuć zaklučyć jaje ŭ elektronnym vyhladzie niepasredna na placoŭcy, dzie pradajucca mašyny.
U dalejšym «Je-Kantrakt» płanujuć vykarystoŭvać i dla inšych vidaŭ damoŭ. Naprykład, ź jaho dapamohaj možna budzie afarmlać najom žylla, kali dakumient pavinny padpisać abodva baki, a taksama rychtavać dakumienty, dla jakich patrebnaja zhoda niekalkich hramadzian.
Akramia taho, servis razhladajuć jak instrumient dla farmavańnia dakumientaŭ u miežach administracyjnych pracedur.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Kali razmova pra kuplu aŭto, to vielmi imavierna. A voś i astatnija?
A kali tak, to damovy, mnohija z typaŭ jakich nie rehulavalisia i zastavalisia pryvatnymi dla ŭdzielnikaŭ, stanuć prazrystymi dla dziaržavy (padatkavaj, karnikaŭ i h.d.)
Vielmi niebiaśpiečna z punktu hledžańnia pryvatnaści i biaśpieki.
Akramia sačeńnia za asobami i biźniesam, tut jašče i prablema biaśpieki. Kali skraduć, to skraduć užo ŭsio razam. Jak było niadaŭna z obraŝienija.bieł.