Biada ŭ biełaruskaha Z-hurta Skynet: salist skardzicca, što ŭłady nie puskajuć ich na scenu

Salist hurta Ivan Panamaroŭ paskardziŭsia ŭ tredsach na toje, što nijak nie moža zrazumieć situacyju ŭ muzyčnaj śfiery ŭ Biełarusi:

«Spačatku nas pazbavili IP, potym skazali rabić tavarystva z abmiežavanaj adkaznaściu, paśla zrabili rejestr, nie ŭvachodziačy ŭ jaki ty nie maješ prava arhanizavać svoj ułasny kancert. A trapić tudy amal nie mahčyma. Prynamsi my sprabavali. Heta takaja padtrymka ajčynnaha artysta ci stvoranaja manapolija, dzie niama lišnich?»

Pavialičyć

Situacyja pakazalnaja, bo Skynet padtrymlivaje Łukašenku, a taksama Pucina i abvieščanuju im vajnu.

Chacia jašče niekalki hadoŭ tamu ich tvorčaść była inšaj. Naprykład, u 2019 hodzie Skynet vypuściŭ pieršuju biełaruskamoŭnuju pieśniu «Kachanaja».

Pavialičyć

Pra hetuju kampazicyju Panamaroŭ potym pisaŭ, što, kali hurt upieršyniu vykanaŭ jaje na karparatyvie, pryjšłosia śpiavać «Kachanuju» siem razoŭ zapar — nastolki taja spadabałasia publicy. Paśla raspačynali hetaj pieśniaj svaje kancerty ŭ Hiermanii i Vialikabrytanii — i tymi kancertami na Zachadzie vielmi hanarylisia. Jak i tym, što daviałosia vystupać na razahrevie ŭ «Bi-2» dy «Akijana Elzy» (hurtoŭ, za vykanańnie chitoŭ jakich u sučasnaj Biełarusi možna i za kraty trapić).

A paśla padziej 2020 hoda Ivan Panamaroŭ (ź pieršapačatkovaha składu tolki jon i zastaŭsia) u intervju prapahandystcy Ludmile Hładkaj krytykavaŭ «zachodnija kaštoŭnaści» i «artystaŭ-zdradnikaŭ».

Pavialičyć

Napad Rasii na Ukrainu Panamaroŭ uspryniaŭ jak mahčymaść raskrucicca na rasijskaj estradzie. Jon pačaŭ stvarać pieśni pra vajnu — naprykład, trek «Priamo V raj», jaki pryśviaciŭ «hieraičnym abaroncam Danbasu i hierojam SVA». A «Ja žyvy» napisaŭ u honar siabra, jaki vajavaŭ na baku Rasii (i zahinuŭ u 2024 hodzie pad Charkavam).

Pavialičyć

Artyst chvalicca tym, što takija pieśni dobra biaruć u ratacyju rasijskija radyjostancyi. Čas ad času i vystupy ŭ Rasii byvajuć. 

Niejki ŭzdym u Skynet byŭ i ŭ Biełarusi. U 2023 hodzie ich zaprašali vystupić na muzyčnym fiestyvali Lidbeer i na «Słavianskim bazary».

Ale apošnim časam Panamaroŭ u sacsietkach usio čaściej vykazvaje kryŭdy na biełaruskija ŭłady. Narakaje, što ajčynnyja radyjostancyi nie vielmi chočuć brać pieśni Skynet, a praŭładnyja žurnalisty zbolšaha taktoŭna admaŭlajuć u intervju.

Chacia, kaniečnie, rana kazać, što Skynet zusim užo ŭ niamiłaści — u navahodniuju noč rok-hurt byŭ u efiry ANT, sioleta vystupaŭ na Dni niezaležnaści ŭ Salihorsku dy na jubilei MTZ. 

• 1
• 1
• 22
• 6
• 0
• 1
• 7
• 0