Stała viadoma, jakija marki mašyn biełarusy najbolš zavoziać z-za miažy
Za pieršyja dzieviać miesiacaŭ 2026 hoda biełarusy ŭvieźli z-za miažy kala 96,7 tysiačy aŭtamabilaŭ — na 37,5% bolš, čym za taki ž pieryjad 2025 hoda. Pra heta paviedamili ŭ Biełaruskaj aŭtamabilnaj asacyjacyi.
Siarod aŭtamabilaŭ va ŭzroście da troch hadoŭ najbolšaj papularnaściu karystajecca Chevrolet Equinox. Druhoje miesca zajmaje Geely Coolray, treciaje — Geely Atlas.
U katehoryi mašyn va ŭzroście ad troch da piaci hadoŭ lidziruje taksama Chevrolet Equinox. U trojku najbolš zapatrabavanych madelaŭ hetaj uzrostavaj hrupy ŭvachodziać GMC Terrain i Peugeot 3008.
Siarod aŭtamabilaŭ starejšych za piać hadoŭ biełarusy najčaściej uvoziać Peugeot 5008, Nissan Qashqai i Renault Megane.
U asacyjacyi adznačyli, što pryvatny impart zastajecca asnoŭnym kanałam pastupleńnia aŭtamabilaŭ na biełaruski rynak.
Źmianiajecca i ŭzrostavaja struktura ŭviezienych mašyn. U 2026 hodzie dola aŭtamabilaŭ, maładziejšych za try hady, vyrasła da 22,6% suprać 18,8% za anałahičny pieryjad 2025-ha. U kolkasnym vyražeńni impart takich mašyn pavialičyŭsia na 64%.
Aŭtamabili va ŭzroście ad troch da piaci hadoŭ skłali 39,6% usiaho impartu za pieršyja try kvartały hoda, a mašyny, starejšyja za piać hadoŭ — 37,8%.
Takim čynam, biełarusy nie tolki čaściej uvoziać aŭtamabili z-za miažy, ale i ŭsio čaściej vybirajuć bolš novyja mašyny.
Kamientary
1 - aŭtabany, dzie tyja ausführung "testujucca" na maksimumach, bo no-limit
2 - na prodaž biurhiery svaje aŭto zdajuć u asnoŭnym "pa-ordnunhu" :
kali patrebny servis vielmi paraŭnalny z canoj novaha aŭto