Kiraŭnik kampanii pasprabavaŭ uładkavacca na pracu pa vakansii ŭ svaju firmu — i nie prajšoŭ adbor
Kamanda miesiacami nie mahła znajści novaha supracoŭnika, i jaje kiraŭnik vyrašyŭ pravieryć, jak pracuje adbor. Jon dasłaŭ ułasnaje reziume pad čužym imiem — i praz šeść chvilin atrymaŭ admovu. Na dopis z Reddit źviarnuła ŭvahu vydańnie The Economic Times.
Pavodle aŭtara, jaho kamandzie ź dzieviaci čałaviek z krasavika byŭ patrebny staršy śpiecyjalist. Ale adździeł kadraŭ raz za razam paviedamlaŭ, što kandydataŭ mała i jany nie prachodziać adbor.
Tady mieniedžar stvaryŭ novuju elektronnuju poštu, źmianiŭ imia i niekatoryja daty ŭ reziume, zasnavanym pieravažna na ŭłasnym dośviedzie, i adhuknuŭsia na vakansiju.
Apisańnie hetaj pasady jon raniej napisaŭ sam, to napisaŭ adpaviedna.
Admova jamu pryjšła praz šeść chvilin. «Na reziume čałavieka, jaki i napisaŭ apisańnie vakansii», — padkreśliŭ jon ironiju situacyi.
Akazałasia, što adździeł kadraŭ davieryŭ pieršasny adbor aŭtamatyčnamu filtru, jaki šukaŭ dakładnyja klučavyja słovy ŭ reziume. Filtr šukaŭ dakładnaje spałučeńnie «React.js», a ŭ jaho było napisana «React». Heta dźvie nazvy adnaho instrumienta dla raspracoŭki interfiejsaŭ sajtaŭ i prahram.
Ciapier mieniedžar padazraje, što praz heta kampanija mahła miesiacami adchilać prydatnych śpiecyjalistaŭ jašče da taho, jak ich reziume pračytaje čałaviek.
Kamientary
Adnojčy pryjšła admova, ja razzłavaŭsia, napisaŭ znajemamu, a toj viedaŭ kiraŭnika adździeła kampanii, dzie mnie hr admoviła. Nas sustykavali, toj pahladzieŭ i uchvaliŭ reziume, jon jaho nie bačyŭ navat da hetaha. Ja paśla ź imi 2 hady papracavaŭ. Hr-ka mianie paźbiahała jak mahła, pakul sama nie zvolniłasia:)