Zialenski zatrymaŭsia ŭ Narviehii paśla sustrečy z Uitkafam, dzie čakajuć jaho viartańnia paśla pieramoŭ z Pucinym
«Mahčyma, my sustreniem jaho ŭ aeraporcie. My spadziajomsia atrymać ad jaho infarmacyju», — skazaŭ premjer Narviehii.
Uładzimir Zialenski zastaŭsia ŭ Narviehii paśla ŭčorašniaj sustrečy z amierykanskim pieramoŭščykam pa Ukrainie Styvam Uitkafam. U Narviehii čakajuć, što paśla zaviaršeńnia pieramoŭ u Rasii Uitkaf u sieradu vierniecca ŭ Osła, što moža śviedčyć pra aktyvizacyju pieramoŭ i pierachod da «čaŭnočnaj dypłamatyi», piša Moscow Times.
«Ranicaj praviali jašče adnu sustreču ź Jonasam u Osła. Šmat što zaležyć ad taho, ci ŭdasca siońnia amierykanskamu boku pačuć ad Rasii niešta novaje — pra mir, a nie pra praciah vajny», — paviedamiŭ u sieradu Zialenski ŭ svaich sacyjalnych sietkach.
Premjer-ministr Narviehii Jonas Har Store zajaviŭ, što paśla zaviaršeńnia pieramoŭ u Rasii Uitkaf u sieradu vierniecca ŭ Osła.
«Mahčyma, my sustreniem jaho ŭ aeraporcie. My spadziajomsia atrymać ad jaho infarmacyju», — skazaŭ Store.
Napiaredadni paśla sustrečy z Uitkafam Zialenski zajaviŭ, što ZŠA i Ukraina ŭzhadnili ŭ Narviehii šerah prapanoŭ pa zaviaršeńni vajny va Ukrainie, u tym liku harantyi biaśpieki dla Kijeva.
Dziaržaŭny sakratar ZŠA Marka Rubia paviedamiŭ, što sustreča Uitkafa ź Zialenskim prajšła pazityŭna i što Uitkaf pieradaść jaje vyniki Rasii.
Zialenski zajaviŭ pra hatoŭnaść da mirnaha pahadnieńnia pry ŭmovie zachavańnia bolšaj častki terytoryi Ukrainy
«Pahladzim, što skaža Pucin». Uitkaf lacić u Rasiju, kab abmierkavać novyja mirnyja prapanovy, vyłučanyja na sustrečy ź Zialenskim u Osła
Piaskoŭ zajaviŭ, što Pucin vyvučyć prapanovy Uitkafa
Uitkaf nazvaŭ Pucina humanistam
Kamientary