«6850 rubloŭ — norm?» Klijentka karšerynhu paskardziłasia na vielizarny štraf paśla DTZ. Što adkazali ŭ kampanii

U Threads abmiarkoŭvajuć vypadak z karšerynham Anytime. Karystalnica raskazała, što trapiła ŭ DTZ pa svajoj vinie, i nazvała sumu štrafu, paznačanaha jak «kampiensacyja škody», — 6850 rubloŭ. «Jak ličycie — norm?» — pytajecca jana.

Pavialičyć

Abmierkavańnie razrasłosia i ŭžo naličvaje bolš za 2000 kamientaroŭ.

A što kažuć u Anytime?

Situacyju prakamientavali ŭ servisie Anytime.

— My razumiejem zasmučeńnie klijentki praź situacyju z aŭtamabilem. Adnak jaje śćviardžeńnie, što «Padstrachoŭka» — heta mif, nie adpaviadaje rečaisnaści i ŭvodzić u zman inšych klijentaŭ. Heta realny instrumient padtrymki, jaki pracuje pry vykanańni praviłaŭ, prapisanych u Dahavory dałučeńnia, ź jakimi pahadžajecca kožny klijent servisu, — adznačyli ŭ Anytime.

Tam adznačyli, što, pavodle praviłaŭ servisu, «Padstrachoŭka» nie dziejničaje pry hrubych parušeńniach PDR na praciahu ŭsiaho terminu arendy.

— Padčas pravierki my zafiksavali nieadnarazovaje pieravyšeńnie klijentkaj chutkaści — až da 153 km/h. Havorka idzie nie pra razavaje, a pra sistematyčnaje praciahłaje parušeńnie, pryčym nie tolki padčas hetaj arendy.

Kali klijent hruba parušaje PDR padčas arendy, «Padstrachoŭka» nie prymianiajecca. My zaŭsiody danosim heta da klijentaŭ, bo dla nas važna, kab vykonvalisia praviły i žyćcio navakolnych nie padviarhałasia niebiaśpiecy. «Padstrachoŭka» ŭ našym servisie isnuje, kab abaraniać klijentaŭ pry niečakanych DTZ, a nie zaachvočvać parušeńni.

Sumu škody, jak śćviardžajecca, raźličvaŭ niezaležny acenščyk.

U rasparadžeńni redakcyi jość zaklučeńnie i kalkulacyja. Dla razumieńnia: voś niekatoryja z elemientaŭ, jakija nieabchodna zamianić paśla DTZ.

Pavialičyć

Pavialičyć

Usiaho ž pieralik detalaŭ, jakija padlahajuć zamienie, i nieabchodnych rabot zajmaje siem arkušaŭ.

U servisie pakazali bolš fatahrafij paškodžanaha aŭtamabila.

Pavialičyć

— Ahlad prachodziŭ u niepasrednaj prysutnaści klijentki. Aŭtamabil atrymaŭ mocny ŭdar ab farkop inšaha aŭtamabila. Dla dastaŭki na STA spatrebiŭsia evakuatar. Zaklučeńnie ab pamiery škody było nakiravana klijentcy ŭ aficyjnaj pierapiscy. Asobna chočam adznačyć: zamiest taho kab adrazu źviarnucca ŭ kampaniju pa tłumačeńni praz aficyjnyja kanały suviazi, klijentka vybrała šlach publičnych abvinavačvańniaŭ. Choć my adkrytyja da dyjałohu i hatovyja tłumačyć łohiku našych praviłaŭ. Paźniej klijentka nakiravała nam list z prośbaj indyvidualna razhledzieć situacyju i pierahledzieć sumu kampiensacyi škody. 

Ci pryniała kampanija rašeńnie pa hetym zvarocie, nie paviedamlajecca.

Jak piša Onlíner, padčas padrychtoŭki publikacyi servis taksama atrymaŭ zapyt ad MUS nakont pieravyšeńnia chutkaści na hetym aŭtamabili, zafiksavanaha kamieraj.

• 0
• 0
• 1
• 1
• 1
• 0
• 0
• 0