U Hrodnie zaviali kryminalnuju spravu praź niezakonnaje naličeńnie zarobkaŭ trom trenieram futbolnaj škoły. Pavodle aficyjnaj infarmacyi, im naličyli bolš za 8,5 tysiačy rubloŭ za zaniatki, jakija jany nie pravodzili, bo ŭ hety čas adsutničali na pracoŭnym miescy. U tabieli ŭnosilisia niedakładnyja źviestki. Padčas pravierki hrošy byli całkam viernutyja padazravanymi, piša vydańnie Betting.team.
Aficyjnyja orhany nie nazvali imionaŭ fihurantaŭ spravy, adnak Betting.team daviedałasia, što pytańni ŭ siłavikoŭ uźnikli da Siarhieja Saładoŭnikava — viadomaj asoby ŭ historyi hrodzienskaha futboła. Jaho proźvišča ŭžo prybrali z aficyjnaha sajta kłuba «Nioman», jak i jahonaha namieśnika Alaksandra Bałuchi.
Siarhieju Saładoŭnikavu 67 hadoŭ. Jon naradziŭsia 2 listapada 1958 hoda ŭ Irkucku, ale svaju hulniavuju i trenierskuju karjeru źviazaŭ pieradusim z Hrodnam. Z 1978 da 1989 hoda vystupaŭ za miascovy «Chimik», jaki paźniej staŭ nazyvacca «Niomanam». Za 12 siezonaŭ jon zabiŭ bolš za 100 hałoŭ. U 1990 hodzie futbalist źjechaŭ za miažu i na praciahu dvuch siezonaŭ hulaŭ za polskuju «Jahiełoniju» ź Biełastoka, paśla čaho viarnuŭsia ŭ Hrodna. Usiaho za «Chimik» i «Nioman» jon pravioŭ 423 matčy i zabiŭ 153 hały.
Trenierskuju karjeru Saładoŭnikaŭ pačaŭ u 1997 hodzie, jašče da zaviaršeńnia vystupleńniaŭ u jakaści futbalista. U ahulnym liku jon pracavaŭ u «Niomanie» kala 20 hadoŭ, a na pasadzie hałoŭnaha treniera pravioŭ 391 matč u roznych turnirach. Ź jahonym imiem źviazana adno z najbolšych dasiahnieńniaŭ kłuba — srebra čempijanatu Biełarusi 2002 hoda.
Z 2019 hoda Saładoŭnikaŭ zajmaŭ pasadu dyrektara spartyŭnaj dziciača-junackaj škoły «Niomana».
Pavodle źviestak Betting.team, pa stanie na 21 kastryčnika infarmacyja pra Saładoŭnikava i jahonaha namieśnika źnikła z aficyjnaha sajta kłuba. U zachavanaj kopii staronki ad 1 žniŭnia Saładoŭnikaŭ jašče značyŭsia ŭ raździele administracyi.
Sam Siarhiej Saładoŭnikaŭ, kamientujučy situacyju, zajaviŭ, što ŭ jaho niama času razmaŭlać na hetu temu.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary