Źbirajucca sudzić zavočna dzieviać fihurantaŭ spravy «dvarovych čataŭ»
U Biełarusi dzieviać čałaviek, jakich źviazvajuć sa spravaj «dvarovych čataŭ», źbirajucca sudzić zavočna. Pra heta śviedčyć śpis asobaŭ, u dačynieńni da jakich Śledčy kamitet raspačaŭ śpiecyjalnuju vytvorčaść.
U hety pieralik uvajšli Ivan Amialan, Stanisłaŭ Botvin, Volha Niachajčyk, Natalla Hužava, Kastuś Kirylenka i Lizavieta Plitnik. U listapadzie 2024 hoda ŭsich šaściarych unieśli ŭ śpis udzielnikaŭ tak zvanaha «ekstremisckaha farmavańnia» «Orden».
Pavodle KDB, u hetuju strukturu ŭvachodziać dvarovyja supołki «Złyje kohtiki», «Sucharievo», «Sienica2.0», «Solidarnosť», «Volnyja vaŭki», «Navahrudskija partyzany», «VILIJA» i «Skromnyje matrieški», a taksama arhanizacyja «Sosiedi».
Jašče troje fihurantaŭ — Iryna Trafimik, Ihar Lichač i Andrej Pupkievič. Raniej ich nie zhadvali ŭ suviazi z «Ordenam».
Usich dzieviaciarych abvinavačvajuć u zmovie z metaj zachopu dziaržaŭnaj ułady i ŭdziele ŭ ekstremisckim farmavańni.
Kamientary