Hienprakuror: Za paŭtara hoda pa palityčnych kryminalnych spravach asudzili 2500 čałaviek
«Pravaachoŭnymi orhanami prymajucca miery pa pryciahnieńni da kryminalnaj adkaznaści ŭsich asob, jakija ŭčynili ekstremisckija złačynstvy z 2020 hoda», — zajaviŭ Hienieralny prakuror Biełarusi Dźmitryj Hara.
Za paŭtara hoda prakurory padtrymali dziaržaŭnaje abvinavačańnie pa bolš jak 2 tysiačach kryminalnych spraŭ hetaj katehoryi ŭ dačynieńni da 2,5 tysiačy asob, skazaŭ Dźmitryj Hara.
«Pravaachoŭnymi orhanami prymajucca miery pa pryciahnieńni da kryminalnaj adkaznaści ŭsich asob, jakija ŭčynili ekstremisckija i terarystyčnyja złačynstvy z 2020 hoda», — zajaviŭ jon.
Kolki mienavita takich spraŭ raspačali pa hadach i nakolki skaraciłasia ich kolkaść, hienprakuror nie ŭdakładniŭ.
Pavodle Hary, u 2026 hodzie prakurory padtrymlivali dziaržaŭnaje abvinavačańnie ŭ spravie suprać byłych kiraŭnikoŭ i ŭdzielnikaŭ Pałka Kalinoŭskaha.
Asob, jakija znachodziacca pa-za miežami Biełarusi, sudziać zavočna ŭ miežach tak zvanaj śpiecyjalnaj vytvorčaści. Z 2022 hoda ŭ sudy pieradali spravy bolš jak suprać 150 čałaviek.
Hara taksama nahadaŭ, što pavodle zajaŭ Hienieralnaj prakuratury Viarchoŭny sud pryznaŭ Abjadnany pierachodny kabiniet «terarystyčnaj arhanizacyjaj», a Jeŭrapiejski humanitarny ŭniviersitet — «ekstremisckaj arhanizacyjaj».
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam3
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ66
Kamientary
[Zredahavana]