Vyjšła na svabodu apošniaja hrupa asudžanych pa spravie vaŭkavyskaha čata
Udzielniki dvarovaha telehram-čata «Volnyja vaŭki» Volha Prakopčyk, Alena Žukava i Viktar Turčenik całkam adbyli pryznačanyja terminy ŭ kałonii.
Vosieńniu 2024 hoda pa ŭsioj Biełarusi prajšła chvala zatrymańniaŭ u miežach «spravy dvarovych čataŭ». Pavodle viersii abvinavačańnia, udzielniki čataŭ nibyta sprabavali abjadnacca ŭ arhanizacyju z metaj zachopu ŭłady. 29 kastryčnika 2024 hoda KDB pryznaŭ ekstremisckim farmavańniem dvarovuju kaalicyju «Orden», u jakuju ŭvachodzili čaty «Złyje kohtiki», «Sucharievo», «Sienica2.0», «Solidarnosť», «Volnyja vaŭki», «Navahrudskija partyzany», «VILIJA», «Skromnyje matrieški» i «Sosiedi».
U Hrodzienskim abłasnym sudzie naprykancy kastryčnika 2025 hoda sudździa Zinaida Barcevič asudziła dzieviać žycharoŭ Vaŭkavyska — šeść žančyn i troch mužčyn — za ŭdzieł u telehram-čacie «Volnyja vaŭki». Ich abvinavacili va ŭdziele ŭ ekstremisckim farmavańni pavodle častki 3 artykuła 361‑1 Kryminalnaha kodeksa. Kožnamu pryznačyli pakarańnie ŭ vyhladzie terminu kałonii i štrafu ŭ pamiery 800 bazavych vieličyń, što na toj momant składała 33 600 rubloŭ.
Illa Chodas i Vital Cynkiel atrymali pa dva hady i dzieviać miesiacaŭ, Natalla Kraŭčuk — dva hady i vosiem miesiacaŭ, Lilija Juruć, Ludmiła Šrubok, Volha Prakopčyk, Alena Žukava, Iryna Dabrynovič i Viktar Turčenik — pa dva hady i šeść miesiacaŭ kałonii.
«Viaśnie» stała viadoma, što 3 kastryčnika na svabodu vyjšli Volha Prakopčyk, Alena Žukava i Viktar Turčenik. Pry hetym jany stali apošnimi, chto vyzvaliŭsia pa hetaj spravie, bo astatnija šeść čałaviek na voli z 20 sakavika 2026 hoda.
Illa Chodas, Vital Cynkiel, Natalla Kraŭčuk, Lilija Juruć, Ludmiła Šrubok i Iryna Dabrynovič trapili ŭ lik vialikaj hrupy palitviaźniaŭ, vyzvalenych u vyniku sakavickaha vizitu ŭ Minsk Džona Koŭła. Tady vyjšli na volu 250 palitviaźniaŭ, i pieravažnaj bolšaści ź ich navat dazvolili zastacca ŭ Biełarusi.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ6
Kamientary
"Po viersii obvinienija, učastniki čatov jakoby pytaliś objediniťsia v orhanizaciju s cielju zachvata vłasti."
Łukašisty užie davno objediniliś s cielju zachvata vłasti i dažie osuŝiestvili eto. Kohda-to i za eto pridietsia otviečať.