Выйшла на свабоду апошняя група асуджаных па справе ваўкавыскага чата
Удзельнікі дваровага тэлеграм-чата «Вольныя ваўкі» Вольга Пракопчык, Алена Жукава і Віктар Турчэнік цалкам адбылі прызначаныя тэрміны ў калоніі.
Восенню 2024 года па ўсёй Беларусі прайшла хваля затрыманняў у межах «справы дваровых чатаў». Паводле версіі абвінавачання, удзельнікі чатаў нібыта спрабавалі аб’яднацца ў арганізацыю з мэтай захопу ўлады. 29 кастрычніка 2024 года КДБ прызнаў экстрэмісцкім фармаваннем дваровую кааліцыю «Ордэн», у якую ўваходзілі чаты «Злые когтики», «Сухарево», «Сеніца2.0», «Солідарность», «Вольныя ваўкі», «Навагрудскія партызаны», «ВИЛИЯ», «Скромные матрешки» і «Соседи».
У Гродзенскім абласным судзе напрыканцы кастрычніка 2025 года суддзя Зінаіда Барцэвіч асудзіла дзевяць жыхароў Ваўкавыска — шэсць жанчын і трох мужчын — за ўдзел у тэлеграм-чаце «Вольныя ваўкі». Іх абвінавацілі ва ўдзеле ў экстрэмісцкім фармаванні паводле часткі 3 артыкула 361‑1 Крымінальнага кодэкса. Кожнаму прызначылі пакаранне ў выглядзе тэрміну калоніі і штрафу ў памеры 800 базавых велічынь, што на той момант складала 33 600 рублёў.
Ілля Ходас і Віталь Цынкель атрымалі па два гады і дзевяць месяцаў, Наталля Краўчук — два гады і восем месяцаў, Лілія Юруць, Людміла Шрубок, Вольга Пракопчык, Алена Жукава, Ірына Дабрыновіч і Віктар Турчэнік — па два гады і шэсць месяцаў калоніі.
«Вясне» стала вядома, што 3 кастрычніка на свабоду выйшлі Вольга Пракопчык, Алена Жукава і Віктар Турчэнік. Пры гэтым яны сталі апошнімі, хто вызваліўся па гэтай справе, бо астатнія шэсць чалавек на волі з 20 сакавіка 2026 года.
Ілля Ходас, Віталь Цынкель, Наталля Краўчук, Лілія Юруць, Людміла Шрубок і Ірына Дабрыновіч трапілі ў лік вялікай групы палітвязняў, вызваленых у выніку сакавіцкага візіту ў Мінск Джона Коўла. Тады выйшлі на волю 250 палітвязняў, і пераважнай большасці з іх нават дазволілі застацца ў Беларусі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца5
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1717
Каментары
"По версии обвинения, участники чатов якобы пытались объединиться в организацию с целью захвата власти."
Лукашисты уже давно объединились с целью захвата власти и даже осуществили это. Когда-то и за это придется отвечать.