Alaksandra Narkieviča znajšli viečaram u aŭtorak u zabałočanaj miascovaści ŭ Smalavickim rajonie.
Alaksandra Narkieviča znajšli zahinułym, paviedamiŭ pošukava-vyratavalny atrad «Siryus».
«Znojdzieny. Zahinuŭ. Vykazvajem spačuvańni rodnym i blizkim», — paviedamili ŭ atradzie.
Chutčej za ŭsio, Tavarystva vyratavańnia na vodach raskazała mienavita pra hetu situacyju:
«U Smalavickim rajonie ratavalniki dastali z vadajoma cieła patanułaha mužčyny.
Infarmacyja pra zdareńnie pastupiła 13 kastryčnika 2026 hoda. A 16:45 sumiesnymi namahańniami ratavalnikaŭ patanuły mužčyna byŭ padniaty na pavierchniu. Cieła mužčyny 1985 hoda naradžeńnia znachodziłasia za 10 mietraŭ ad bieraha na hłybini kala dvuch mietraŭ. Prykmiet žyćcia jon nie padavaŭ».
41‑hadovy Alaksandr Narkievič pierastaŭ vychodzić na suviaź dniom 29 vieraśnia — z taho času pra jaho miescaznachodžańnie ničoha nie viadoma. Žonka źnikłaha paviedamiła, što apošnija niekalki tydniaŭ pierad źniknieńniem Alaksandr skardziŭsia na nievytłumačalnyja boli i znachodziŭsia ŭ vielmi pryhniečanym emacyjnym stanie.
Ranicaj 30 vieraśnia ŭ Smalavickim rajonie znajšli mašynu siamji. Aŭtamabil byŭ začynieny, u sałonie nie było telefona, pracoŭnaha płanšeta, klučoŭ ad dźviuch kvater i kašalka, jakija mužčyna ŭziaŭ z saboj, kali ŭ dzień źniknieńnia źbiraŭsia na pracu.
Pošuki vialisia dva tydni.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary