U centry Minska za amal miljon dalaraŭ pradajuć zakinuty dziciačy sad z 1950‑ch
Pobač z Asmałoŭkaj u Minsku ŭžo šmat hadoŭ pustuje stary dziciačy sadok na vulicy Kisialova. U apošnija hady budynak naležaŭ kampanii «Łade», adnak rabot dla jaho adnaŭleńnia tak i nie pravodzili. Ciapier dvuchpaviarchovy budynak vystaŭleny na aŭkcyjon, piša Realt.by.
Budynak uźviali ŭ 1955 hodzie pa adrasie vulica Kisialova, 26, niepadalok ad «Biełaj viežy». Pobač znachodziacca charakternyja vulicy Asmałoŭki, kaviarni i paby.
U saviecki čas tut raźmiaščalisia jaśli Minskaha radyjozavoda. Jany, adnak, zakrylisia jašče ŭ kancy 1980‑ch hadoŭ. Ahulnaja płošča byłoj dziciačaj ustanovy składaje 1015 kvadratnych mietraŭ.
Budynak u styli savieckaha nieakłasicyzmu maje dva pavierchi i sutareńnie. Fundamient žalezabietonny, vonkavyja i ŭnutranyja ścieny, a taksama pieraharodki muravanyja, pierakryćci draŭlanyja, dach mietaličny. U budynku jość centralnaje vodazabieśpiačeńnie, aciapleńnie, kanalizacyja i elektryčnaść. Taksama ŭstalavanaja sistema videanazirańnia. Pobač znachodzicca asobny haraž.
Papiaredni ŭłaśnik płanavaŭ rekanstrujavać budynak pad abjekt achovy zdaroŭja i vykanańnia pasłuh, ale ažyćciavić zadumanaje nie ŭdałosia.
Razam z budynkam novy ŭłaśnik atrymaje ŭ arendu ziamielny nadzieł płoščaj 42 sotki. Damova arendy budzie dziejničać da 2048 hoda.
Pačatkovy košt abjekta składaje 3 miljony rubloŭ — kala 997 tysiač dalaraŭ pavodle kursu Nacyjanalnaha banka Biełarusi. Aŭkcyjon pryznačany na 9 listapada.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie8
Kamientary