U Minsku pradajuć haraž, bolš padobny da lecišča — možna navat žyć. Kolki prosiać?
«A vy bačyli kali-niebudź haraž, u jaki ni razu nie zajazdžała mašyna?» — z takich słoŭ pačynajecca apisańnie abjekta ŭ videaahladzie ryełtarki.
Haraž znachodzicca ŭ haražnym kaapieratyvie «Zachodni», što pa adrasie Masiukoŭščyna, 34V u Minsku. Haraž dvuchuzroŭnievy, vuhłavy. Ahulnaja płošča abjekta — amal 46 mietraŭ.
Sam haraž unutry pa svaim azdableńni bolš padobny da jakohaści lecišča. Ścieny na vierchnim uzroŭni amal całkam abšytyja drevam. Padłoha taksama draŭlanaja.
Na ŭvachodzie lažyć dyvančyk, a da biełaj stoli prymacavany drot, na jakim visiać firanki, jakija raździalajuć pamiaškańnie na dźvie častki.
Jość elemienty staroj mebli i navat pyłasos. Zamiest ahladnaj jamy tut leśvica, jakaja viadzie da dvuch asobnych pakojaŭ na padziemnym uzroŭni.
Admietna, što častka jamy nahłucha zaścielenaja draŭlanaj padłohaj, tamu navat pry ŭsim žadańni vykarystoŭvać haraž jak haraž biez dadatkovych vysiłkaŭ pa pierarobcy nie atrymajecca.
Pamiaškańni na nižnim paviersie całkam abkładzieny plitkaj. Padvał, aproč choła ź leśvicaj, maje dva asobnyja pamiaškańni.
U apisańni paznačana, što haraž uciepleny. «Pasuje dla svajoj majsterni, składziravańnia dalikatnaha tavaru, nu i, viadoma, pa pramym pryznačeńni — pad haraž», — havorycca ŭ abjavie.
Za haraž, jaki nie zusim haraž, prosiać 80 tysiač rubloŭ, što krychu bolš za 26 tysiač dalaraŭ.
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy14
Kamientary
[Zredahavana]