Były salist «Pieśniaroŭ» pierajechaŭ u viosku i pracuje školnym nastaŭnikam chimii i bijałohii
Ciapier u haspadarcy piać katoŭ i sabaka, a ŭ płanach kury, kozy i navat dziesiać karoŭ.
Alaksandr Zaŭharodni raniej śpiavaŭ u «Pieśniarach» i «Vierasach-2007». Hod tamu jon pierajechaŭ ź Minska ŭ viosku Niaviazcy Słuckaha rajona. Sam jon haradski: naradziŭsia ŭ Baranavičach, u dziacinstvie žyŭ u Polščy i Hiermanii, dzie słužyŭ baćka-vajskoviec, a potym u Minsku. Vioski ŭ jaho dziacinstvie nie było, ale pra ŭłasny dom na ziamli jon maryŭ z małych hadoŭ, piša «Minskaja praŭda».
U 2003 hodzie 16‑hadovaha Alaksandra zaŭvažyŭ Leanid Bartkievič, i chłopiec staŭ samym maładym vakalistam u historyi «Pieśniaroŭ». U 2007‑m prajšoŭ kastynh u adrodžanyja Vasilom Rainčykam «Vierasy», ale ŭrešcie vybraŭ solnuju karjeru.
Akramia taho, Alaksandr atrymaŭ try vyšejšyja adukacyi i pracavaŭ piedahoham.
Z žonkaj Alesiaj, nastaŭnicaj fizkultury i pracoŭnaha navučańnia, jon paznajomiŭsia ŭ dziciačym łahiery, dzie byŭ načalnikam. Razam jany čatyry hady, u šlubie adzin. Raśpisalisia pamiž urokami: na ŭsio było 15 chvilin pierapynku, niaviesta pryjšła ŭ bajcy i lehinsach, bo paśla zaniatkaŭ u jaje byŭ nastaŭnicki kros.
Adno adnaho muž i žonka nazyvajuć na «Vy»: tak pryvykli jašče na pracy.
Dom u Niaviazcach para vybrała za 15 chvilin, kali ŭbačyła biarozy na ŭčastku. Piać hadoŭ tam nichto nie žyŭ, i 30 sotak zaraśli pustaziellem, pieratvaryŭšysia amal u chmyźniak. Ciapier dom restaŭrujuć svaimi rukami ŭ styli «chaj tak». Płanujuć mansardu sa spalniaj i kuchniu-haścioŭniu z panaramnym aknom. Ciapier u haspadarcy piać katoŭ i sabaka, a ŭ płanach kury, kozy i navat dziesiać karoŭ.
Alaksandr vykładaje chimiju i bijałohiju ŭ Ramanaŭskaj siaredniaj škole i vielmi zadavoleny viaskovaj škołaj. Alesia pakul žyvie na dva miescy, bo ŭ Minsku vučycca 16‑hadovaja dačka, jakaja nie zachacieła pierajazdžać. U toj ža škole Alesia viadzie niekalki hadzin pracoŭnaha navučańnia.
Muzyku Alaksandr nie pakinuŭ: doma piša i aranžyruje pieśni, viadzie efiry, maryć pra studyju na ŭčastku i rychtuje vialiki kancert u Słucku viasnoj.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
I začiem nam eta propahanda sielskoj žiźni? No čto tam žiť i kuda chodiť v mahazin?