Jak zakonna pazbavicca ad niebiaśpiečnaha dreva ŭ dvary i nie atrymać štraf
Kali ŭ dvary šmatpaviarchovaha doma raście staroje dreva, jakoje moža ŭpaści padčas mocnaha vietru i paškodzić aŭtamabili abo pahražać ludziam, samastojna śpiłavać jaho nielha. U haradach Biełarusi vydaleńnie takich nasadžeńniaŭ adbyvajecca pavodle vyznačanaj pracedury, a za niezakonnuju vysiečku možna atrymać štraf, piša Domovita.by.
Kab vyznačyć, ci treba śpiłavać dreva, śpiecyjalnaja kamisija pavinna ahledzieć jaho na miescy. Śpiecyjalisty źviartajuć uvahu na niebiaśpiečny nachił stvała, vialikija raskoliny, hniłyja dupły, paškodžanyja karani, a taksama haliny, jakija źvisajuć nad dacham abo linijami elektrapieradačy. Kali dreva stvaraje realnuju pahrozu dla ludziej abo majomaści, jaho mohuć pryznać avaryjnym. Da aficyjnaha afarmleńnia adpaviednaha rašeńnia samastojna vydalać jaho nielha.
Paradak dziejańniaŭ zaležyć ad taho, dzie raście dreva. Na pryvatnym učastku, jaki naležyć uładalniku, možna samastojna arhanizavać vysiečku biez dazvołu kamunalnych słužbaŭ. Adnak u haradskich dvarach i na vulicach za zialonyja nasadžeńni adkazvajuć adpaviednyja arhanizacyi: ŽES, žyllova-budaŭničyja spažyvieckija kaapieratyvy abo sielskija saviety.
Kali dreva raście ŭ dvary šmatpaviarchovaha doma, treba źviarnucca ŭ słužbu 115.bieł abo padać aficyjnuju zajaŭku ŭ arhanizacyju, jakaja absłuhoŭvaje terytoryju. U zvarocie varta padrabiazna apisać prablemu: naprykład, paviedamić pra hniły stvoł, raskoliny abo haliny, jakija stukajuć u vokny. Da zajavy karysna dadać fotazdymki z roznych rakursaŭ. Kalektyŭny zvarot žycharoŭ taksama moža dapamahčy pryciahnuć uvahu da prablemy.
Dla vysiečki vialikich dreŭ, asabliva pobač z aŭtamabilami, budynkami i elektryčnymi pravadami, nieabchodnyja śpiecyjalisty z adpaviednym abstalavańniem. Kali dreva ŭ dvary šmatpaviarchovaha doma aficyjna pryznali avaryjnym, vydatki na jaho vydaleńnie pakryvajucca z haradskoha biudžetu. Žychary nie pavinny asobna źbirać hrošy na paliva abo apłatu pracy.
Kali ž dreva ŭpała samo padčas niepahadzi, zavał možna prybirać biez papiaredniaha dazvołu. Pry hetym, adnak, treba paviedamić pra zdareńnie ŭ miascovy vykanaŭčy kamitet na praciahu piaci dzion.
Zakanadaŭstva zvyčajna nie abaviazvaje vysadžvać novaje dreva naŭzamien śpiłavanaj hniłoj tapoli. Kali kamunalnyja słužby admaŭlajucca pryznavać dreva avaryjnym, možna źviarnucca pa jurydyčnuju kansultacyju. Pry hetym rekamiendujecca fiksavać na fota i videa stan dreva i chod zvarotaŭ u adpaviednyja orhany.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary