U Biełarusi źjaviacca terminały dla samastojnaha atrymańnia elektronnaha ličbavaha podpisu
U Biełarusi raspracoŭvajuć terminały samaabsłuhoŭvańnia, z dapamohaj jakich hramadzianie i pradstaŭniki biznesu zmohuć samastojna atrymlivać srodki elektronnaha ličbavaha podpisu (EŁP). Prajekt znachodzicca na zaviaršalnym etapie raspracoŭki i ciapier prachodzić vyprabavańni. Pra heta 21 kastryčnika paviedamiŭ načalnik respublikanskaha zaśviedčvalnaha centra Nacyjanalnaha centra elektronnych pasłuh Uładzimir Baśko, piša ahienctva «Minsk-Naviny».
Terminały pryznačanyja dla fizičnych asobaŭ, indyvidualnych pradprymalnikaŭ i kiraŭnikoŭ arhanizacyj. Jany dazvolać prajści ŭsie nieabchodnyja pracedury bieź niepasrednaha ŭdziełu supracoŭnika rehistracyjnaha punkta.
Kab atrymać elektronny ličbavy podpis, karystalniku treba budzie pakazać adpaviedny dakumient i prajści bijamietryčnuju identyfikacyju. Śpiecyjalnyja skaniery pravierać sapraŭdnaść dakumienta, termin jaho dziejańnia i inšyja paramietry. Taksama sistema paraŭnaje fatahrafiju ŭładalnika z danymi rehistra nasielnictva.
Pavodle słoŭ Uładzimira Baśko, pravierka asoby budzie adbyvacca ŭ niekalki etapaŭ. Spačatku sistema paćvierdzić, što pierad terminałam znachodzicca žyvy čałaviek, paśla čaho pravieryć dakumient z dapamohaj śpiecyjalnaha śpiektralnaha analizu i zapytaŭ da dziaržaŭnych infarmacyjnych sistem. Dadatkovuju bijamietryčnuju identyfikacyju praviaduć i padčas stvareńnia asabistaha kluča, kab pierakanacca, što elektronny podpis atrymlivaje mienavita toj čałaviek, jaki źviarnuŭsia pa pasłuhu.
Paśla paśpiachovaj pravierki sistema sfarmuje asabisty kluč na adpaviednym nośbicie i vypuścić siertyfikat adkrytaha kluča. U vyniku karystalnik atrymaje nośbit sa srodkam elektronnaha ličbavaha podpisu.
Prezientavać raspracoŭku płanujuć 26—27 kastryčnika na Mižnarodnym forumie pa bankaŭskich infarmacyjnych technałohijach. Paśla zaviaršeńnia vyprabavańniaŭ terminały pavinny prajści siertyfikacyju i nieabchodnyja pracedury pravierki abarony infarmacyi. Zatym ich płanujuć pastavić u punktach akazańnia pasłuh pa ŭsioj Biełarusi.
U Biełarusi raspracoŭvajuć servis dla zaklučeńnia damoŭ anłajn
U Biełarusi zapracavaŭ miedpartał. Zaraz źviestki svajoj miedycynskaj karty možna prahladać anłajn
Kadastravaje ahienctva paviedamiła pra «histaryčnuju ździełku ź nieruchomaściu»
U Biełarusi źbirajucca ŭvieści ličbavyja pašparty
U Biełarusi vydadziena ŭžo bolš za 520 tysiač ID-kart
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im3
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
Kali tut vialikich sumnieńniaŭ pra ŭraźlivaści niama, to značna bolš ryzyk z budučaj vobłačnaj EŁP, pra jakuju taksama pačali kazać u 2026 h.