Akułu, jakaja ŭžo bolš za miesiac znachodzicca ŭ pastcy ŭ karejskim kanale, vyvieli ŭ mora. Ale jana viarnułasia nazad
U paŭdniovakarejskim horadzie Pusan śpiecyjalisty sprabujuć dapamahčy akule, jakaja bolš za miesiac znachodzicca ŭ pastcy vuzkaha kanała ŭ porcie. 21 kastryčnika jaje, zdavałasia, udałosia vyvieści ŭ mora, adnak užo nastupnaj ranicaj jana viarnułasia ŭ kanał. Pra heta paviedamlaje France 24 sa spasyłkaj na pradstaŭnicu Ministerstva akijanaŭ i rybałoŭstva Paŭdniovaj Karei.
Padčas čarhovaj vyratavalnaj apieracyi ratavalniki prymacavali šyrokuju sietku da sudna i pieraciahnuli jaje cieraz kanał z dapamohaj kanataŭ. Sietka pavinna była nakiravać akułu da vychadu, a vadałazy sačyli, kab jana znoŭ nie zabłytałasia na dnie. Za apieracyjaj z abodvuch bakoŭ kanała nazirali sotni ludziej, jašče bolš sačyli za joj praź internet.
Adnak akuła zmahła nyrnuć pad sietkaj i za noč viarnułasia ŭhłyb kanała. Ranicaj 22 kastryčnika śpiecyjalisty pačali novuju sprobu vyzvalić jaje, padniaŭšy ŭ vadzie źniešniuju sietku.
Trochmietrovaja akuła trapiła ŭ vuzki kanał Paŭnočnaha porta Pusana ŭ vieraśni. Miarkujecca, što jana apynułasia tam, kali praśledavała zdabyču. Raniej bierahavaja achova ŭžo sprabavała vyhnać jaje z kanała, ale praz šeść hadzin apieracyju spynili: navukoŭcy aścierahalisia, što prymusovyja dziejańni mohuć naškodzić žyviolinie abo spravakavać jaje ahresiŭnyja pavodziny.
Paźniej akułu sprabavali nakiravać da vychadu z dapamohaj strumieniaŭ vady, a zatym vykarystoŭvali sietki. Adnak jany zabłytalisia na dnie kanała. Urešcie sproby vyratavańnia časova spynili, spadziejučysia, što akuła znojdzie vychad samastojna.
Žyviolinu prazvali Bukanhi — pavodle karejskaj nazvy miascovaha parku. Jana stała sapraŭdnaj miascovaj znakamitaściu: park kala kanała naviedali kala 1,6 miljona turystaŭ, a akuła navat atrymała zvańnie hanarovaj ambasadarki horada.
Niahledziačy na toje, što akuły hetaha vidu mohuć abychodzicca bieź ježy da miesiaca, Bukanhi pahražaje niebiaśpieka praź źnižeńnie tempieratury vady ŭ listapadzie. Ekałahičnyja arhanizacyi miarkujuć, što akuła mahła trapić u kanał praz paciapleńnie mora. Pavyšeńnie tempieratury vady prymušaje ciepłalubivych ryb mihravać na poŭnač, a za imi pieramiaščajucca i subtrapičnyja vidy akuł.
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
Słon ź miortvym słanianiom, kajot u San-Francyska, puma na aharodžy… Voś jakija raboty stali sioletnimi pieramožcami konkursu «Fatohraf hoda dzikaj pryrody»
Miortvy kit, znojdzieny kala ŭźbiarežža Danii — sapraŭdy šmatpakutny Cimi
Harbataha kita Cimi narešcie vypuścili ŭ Paŭnočnaje mora. Ale vyžyć jamu budzie składana
Kamientary