Harbataha kita Cimi narešcie vypuścili ŭ Paŭnočnaje mora. Ale vyžyć jamu budzie składana
Praciahłuju vyratavalnuju apieracyju pa vyratavańni harbataha kita pa mianušcy Cimi narešcie zakončyli. Ranicaj 2 maja žyviolinu adpuścili na volu ŭ Paŭnočnym mory, paviedamlaje Euronews.
Raniej kita vyvieźli ź miełkavodnaha zaliva Bałtyjskaha mora kala niamieckaha vostrava Piol. Paśla hetaha niekalki dzion jaho pieravozili na baržy, kab viarnuć u bolš prydatnaje asiarodździe.
Pavodle pradstaŭnika pryvatnaj ratavalnaj arhanizacyi Jensa Švarka, kala 9‑j hadziny ranicy 2 maja kita ŭžo nie było na baržy, što śviedčyć pra jaho vyzvaleńnie.
Pavodle pieršapačatkovaj infarmacyi, kapitan buksira rasparadziŭsia vypuścić žyviolinu. Adnak, vierahodna, kita adpuścili nie ŭ tym miescy, jakoje płanavałasia spačatku. Zamiest hetaha jaho vypuścili prykładna za 70 kiłamietraŭ na poŭnač ad dackaha Skahiena.
Pradstaŭniki Greenpeace adznačyli, što heta ažyŭleny sudnachodny maršrut, tamu pakul nieviadoma, ci zmoža žyvioła biaśpiečna vyžyć u takich umovach. Na kicie ŭstalavali pieradatčyk dla dalejšaha adsočvańnia jaho losu, ale sihnału ad jaho pakul nie atrymlivali.
U piatnicu, 1 maja, transpartavańnie časova zatrymałasia z-za drennaha nadvorja. Pry vietry da 6 bałaŭ na pierachodzie pamiž Bałtyjskim i Paŭnočnym morami chvali dasiahali paŭtara mietra, što było niebiaśpiečna dla baržy.
Paźniej uviečary situacyja palepšyłasia. Kala 19:20 harbaty kit samastojna i metanakiravana nabliziŭsia da spusku z baržy.
Upieršyniu Cimi zaŭvažyli 23 sakavika kala bałtyjskaha ŭźbiarežža Hiermanii — daloka ad jaho naturalnaha asiarodździa. Miarkujecca, jon zabłytaŭsia ŭ rybałoŭnych sietkach. Jamu niekalki razoŭ sprabavali dapamahčy syści ź mieli i viarnucca ŭ akijan, ale biespaśpiachova. Ad žyvioliny byli ŭžo adstupilisia i pakinuli na volu losu, ale paśla ratavalnuju apieracyju pahadzilisia prafinansavać dva niamieckija multymiljaniery, i jana adnaviłasia.
Praŭda, bijołahi sumniavajucca, što paśla doŭhaha znachodžańnia na mieli kit zmoža narmalna płavać i charčavacca. Jaho dalejšy los pakul pad pytańniem.
Da bałtyjskaha ŭźbiarežža Hiermanii prypłyŭ harbaty kit i sieŭ na miel. Jaho tydzień sprabavali ŭratavać, ale nie zmahli
U Hiermanii znoŭ pačynajuć apieracyju pa ratavańni harbataha kita Cimi. Paŭmiesiaca tamu na jaho ŭžo machnuli rukoj
Harbaty kit Cimi žyvy i narešcie kirujecca ŭ Paŭnočnaje mora. Apieracyja pa jaho vyratavańni ciahnułasia dva miesiacy
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary