Paranieny biełarus-dobraachvotnik «Łachvič» — toj, jakoha niadaŭna ckavaŭ Batulin
Alaksandra «Łachviča» Naŭkoviča paraniła paru dzion tamu na vyjeździe z bajavoha zadańnia.
«Vitaju, spadarstva. Adpracavali vydatna. Maje pieršyja bajavyja ŭ novym padraździele, da jakoha prykamandziravaŭsia. Ale samaje ciažkaje heta zajezd i vyjezd… Z vyjezdam štoś pajšło nie tak. Vykinuła mianie toŭstaha ŭ akienca pikapa, słaba što pamiataju… Ale nie na siekundu nie sumniavajusia, što zrabiŭ pravilny vybar i ja ŭ šerahach ZSU. Daktary chutka pastaviać mianie na nohi, i my jašče pavajujem! Padrabiaznaści ź ciaham času. Usich abniaŭ», — napisaŭ jon u svaim instahramie.
Miarkujučy pa fota, surjozna paranienaja śpina. «12 vintoŭ», — apisaŭ dobraachvotnik apieracyju.
«U pieršy dzień daktary ździvilisia: jak ty adčuvaješ nohi z takimi ranieńniami?» — piša «Łachvič».
I dadaje, što na treci dzień zmoh padniacca. «Stajać mahu siekundy, siadzieć nielha».
Alaksandr «Łachvič» Naŭkovič niekalki tydniaŭ tamu zapisaŭ svajho rodu «pakajalnaje» videa z paholenaj baradoju. Paźniej «Łachvič» pryznaŭsia, što heta było zroblena pad prymusam z boku byłych pabracimaŭ na čale z Radzivonam «Hienam» Batulinym — byłym kamandziram bataljona «Teror».
Źjaŭleńniu videa papiaredžvaŭ kanflikt: Łachvič apublikavaŭ rolik, u jakim krytykavaŭ Batulina. Sens toj krytyki byŭ u tym, što «kali inšyja vajujuć, a ty jedzieš u Adesu adciskać u mirnych vałanciorku — heta nie šlachietna». Viadoma pra suviaź Batulina z ultrapravym asiarodździem. Jašče da poŭnamaštabnaj vajny jon byŭ blizki da Siarhieja «Bocmana» Karotkich. U intervju i vystupach Batulin časta vykarystoŭvaje leksiku pra «novuju šlachtu», nacyjanalizm, elitarnaść vajaroŭ i asablivy kodeks honaru.
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Dobraachvotnik Łachvič paćvierdziŭ, što zapisaŭ «pakajannaje» videa paholenym nałysa paśla sustrečy z Batulinym
Biełaruskaha dobraachvotnika Łachviča pahalili nałysa i źniali prynižalnaje «pakajalnaje» videa. Što viadoma
Były dobraachvotnik «Kuś» pahaliŭsia ŭ padtrymku «Łachviča»
Ciapier čytajuć
«Vy bačyli špalery ad zabudoŭščyka? Heta ž strašny son». Za što krytykujuć dziaržaŭny ramont u kvaterach dla čarhavikoŭ?2
Kamientary
(Dla Red. Navošta pisać niedarečnuju prypisku pra niejki kanflikt ź inšymi vajarami? Majcie sumleńnie.)
Łachviču zdaroŭja! Jak i ŭsim vajaram. I biełaruskamu dabraachvotniku Hienie. Redakcyja zabyła napisać, što jon taksama biełaruski dabraachvotnik.