Artystka, jakaja śpiavała odu Łukašenku, vyjšła zamuž za Alaksandra
Karjera Alaksandry Mielech rezka pajšła ŭhoru paśla taho, jak jana stała lubimicaj Hanny Siałuk. Niadaŭna artystka pabrałasia šlubam.
U ZAHS śpiavačka dajšła 8 žniŭnia. Abrańnikam Alaksandry Mielech staŭ hukarežysior Alaksandr Barskich. Jon maje hramatu ad byłoha ministra kultury Rusłana Čarnieckaha za dobruju pracu na praŭładnych mierapryjemstvach.
Da 2022 hoda Alaksandra Mielech była małaviadomaj. Jana naradziłasia ŭ Naroŭli, skončyła Biełaruski dziaržaŭny ŭniviersitet kultury i mastactvaŭ. Pracavała nastaŭnicaj u minskim centry dadatkovaj adukacyi dziaciej i moładzi «Śvietač» dy vychodziła na bek-vakale ŭ śpiavački Aŭry.
Ale ŭsio źmianiłasia paśla taho, jak 24‑hadovaja dziaŭčyna praśpiavała čarhovy «chit» Hanny Siałuk — pieśniu «Ach, Alaksandr!», jakaja musiła prademanstravać narodnuju luboŭ.
Voś jakija tam radki:
«Ach, Aleksandr, Aleksandr, Aleksandr!
Udača naša, i nadiežda, i otrada,
Na biełom śvietie on takoj odin,
Takoj odin, a mnie druhoho i nie nado».
Paśla hetaha Alaksandra Mielech, jakaja ścipła nazyvaje siabie «duša narodnaja», stała zorkaj praŭładnych mierapryjemstvaŭ. Niaviestka Łukašenki, jakaja piša pieśni pad psieŭdanimam Hanna Siałuk, pieryjadyčna padkidvaje artystcy niešta z vynikaŭ svajoj tvorčaści — naprykład, himn Hodu jakaści.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary