U Pieciarburhu biełarus paprasiŭ telefon. A paśla admoviŭsia addavać i źbiŭ haspadara za toje, što nie skazaŭ parol
Siarhieju Hrynieviču prysudzili dva hady kałonii za rabavańnie z vykarystańniem hvałtu.
Uvosień 2024 hoda hramadzianin Biełarusi Siarhiej Hrynievič paprasiŭ u mužčyny na čas mabilny telefon. A kali toj — darečy, čałaviek paśla insultu, tamu ŭ jaho amal paralizavany levy bok cieła — paprasiŭ viarnuć reč, Hrynievič zajaviŭ, što telefon jamu bolš «nie naležyć».
Haspadar telefona pajšoŭ šukać palicyju kala stancyi mietro «Ładažskaja», ale nikoha nie znajšoŭ. Kali viarnuŭsia, to Hrynievič schapiŭ mužčynu i paciahnuŭ da śmiećcievych bakaŭ, kab ich nichto nie bačyŭ. Tam biełarus zapatrabavaŭ ad haspadara nazvać parol ad telefona. Toj admoviŭsia, paśla čaho Hrynievič pavaliŭ jaho na ziamlu i nanios kala piaci-šaści ŭdaraŭ kułakami pa hałavie i jašče dva-try — pa tułavie. Ad udaraŭ mužčyna straciŭ prytomnaść. Padčas źbićcia Hrynievič taksama sarvaŭ ź jaho ruki smart-hadzińnik.
Skradzieny telefon Hrynievič zdaŭ u skupku, a hadzińnik pradaŭ vypadkovamu prachožamu. Ahulny košt skradzienaha sud — kala $370.
Kali Hrynieviča zatrymali, jon całkam pryznaŭ vinu i padrabiazna raskazaŭ, jak usio adbyvałasia, — heta sud zaličyŭ jamu jak źmiakčalnuju akaličnaść.
U prysudzie taksama adznačana, što, pavodle ŭłasnych słoŭ Hrynieviča, sudzimaść u jaho jość u Biełarusi, adnak u Rasii jon ličyŭsia niesudzimym.
U vyniku biełarusu prysudzili dva hady kałonii.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała27
Kamientary
Biełarusy, nie jeździcie na pracy ŭ Orkastan, vy tam ichnich nacyjanalnych rysaŭ nabirajeciesia!