U Lidskim zamku pačali pravodzić niezvyčajnyja ekskursii na dośvitku
U Lidskim histaryčna-mastackim muziei zapuścili novuju interaktyŭnuju ekskursiju «Ź pieršymi pieŭniami». Jaje asablivaść u tym, što naviedvalniki prychodziać u zamak jašče da ŭzychodu sonca i mohuć sustreć pieršyja soniečnyja promni niepasredna ŭ staražytnaj krepaści, piša Tochka.by.
Prahrama raźličanaja prykładna na paŭtary hadziny. Za hety čas haściam raskazvajuć pra historyju Lidskaha zamka, jaho lehiendy i viadomych asobaŭ, čyje imiony ź im źviazanyja.
Ekskursija ŭklučaje ranišniuju prahułku pa zamku kniazia Hiedymina i jaho viežach, a taksama interaktyŭnaje pradstaŭleńnie, pryśviečanaje viasiellu karala Jahajły i Sofji Halšanskaj.
Dla naviedvalnikaŭ taksama ładziać majstar-kłasy pa siaredniaviečnych hulniach i tancach, što dazvalaje bolš poŭna adčuć atmaśfieru toj epochi.
Arhanizatary adznačajuć, što hałoŭnaja admietnaść novaha farmatu — mahčymaść ubačyć, jak pastupova pračynajecca staražytnaja krepaść i nad joj uzychodzić sonca.
Supracoŭniki Lidskaha histaryčna-mastackaha muzieja stali pieršymi, chto vyrašyŭ pravodzić ekskursijnyja prahramy mienavita na dośvitku. Padčas rańniaj prahułki pa zamkavych halerejach naviedvalniki mohuć nie tolki akunucca ŭ siaredniaviečnuju historyju, ale i pahladzieć na sučasny lidski piejzaž.
Novaja ekskursija ŭžo karystajecca asablivaj papularnaściu ŭ zamiežnych turystaŭ. Adnak arhanizatary ličać, što jana moža zacikavić i biełarusaŭ, u tym liku tych, chto ŭžo nie raz byvaŭ u Lidskim zamku.
Apublikavali novy rejtynh najbolš papularnych historyka-architekturnych pomnikaŭ Biełarusi
«Koń dla nas — jak čałaviek». Źjavilisia padrabiaznaści, jak byŭ śmiarotna paranieny koń u Lidzie
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?
U Lidzie pad ścienami zavoda raskapali krypty z sarkafahami
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary