Rasija ŭpieršyniu za dziesiacihodździe zastałasia biez vajskovych karabloŭ u Mižziemnym mory
Rasija ŭpieršyniu bolš čym za dziesiać hadoŭ nie maje vajskova-marskoj prysutnaści ŭ Mižziemnym mory. Pavodle infarmacyi vydańnia The Telegraph, rasijskija karabli ciapier vykarystoŭvajucca dla abarony tankieraŭ tak zvanaha «cieniavoha fłotu», jakija pieravoziać padsankcyjnuju naftu.
Pastajannuju apieratyŭnuju hrupoŭku ŭ Mižziemnym mory Rasija stvaryła jašče ŭ 2013 hodzie. Adnak ciapier, pa infarmacyi ad nie nazvanych pradstaŭnikoŭ krain NATA i brytanskaha Minabarony, jaje fłot pierahružany i vymušany pieraraźmiarkoŭvać karabli dla vykanańnia inšych zadač. Jak śćviardžaje adzin z zachodnich čynoŭnikaŭ, z červienia rasijskich vajskovych karabloŭ u Mižziemnym mory niama.
Situacyju, jak adznačaje vydańnie, uskładniła ŭzmacnieńnie kantrolu krain NATA za sudnami «cieniavoha fłotu». Za apošnija paŭhoda vajskovyja karabli Francyi, Bielhii, Hiermanii, Estonii i Finlandyi zatrymali na takich tankierach nie mienš za 13 čałaviek.
Paśla adnaho z padobnych vypadkaŭ rasijski frehat «Nieustrašimyj» pačaŭ pastajanna dziažuryć u Ła-Manšy. U červieni rasijski vajskovy karabiel «Admirał Hryharovič» navat zrabiŭ papieradžalnyja streły ŭ bok jachty pad brytanskim ściaham, jakaja nabližałasia da jaho. U Rasii zajavili, što jachta nie reahavała na patrabavańni źmianić kurs.
Akramia taho, rasijski fłot sutykajecca ź niedachopam tankieraŭ dla zapraŭki svaich vajskovych karabloŭ, što abmiažoŭvaje dalokaść ich płavańnia.
Na dumku surazmoŭcaŭ The Telegraph, NATA takim čynam pastaviła Rasiju pierad składanaj dylemaj: nieabchodnaść abaraniać «cieniavy fłot» pryviała da taho, što ŭ rasijskaj vajskovaj prysutnaści ŭ Mižziemnym mory ŭtvaryŭsia istotny prabieł.
Pry hetym Paŭnočny fłot Rasii praciahvaje dziejničać sa svaich baz u Sievieramorsku i na Kolskim paŭvostravie. Bałtyjski fłot ža akazaŭsia faktyčna akružany krainami NATA i ŭsio bolš zasiarodžvajecca na bierahavoj abaronie i supravadžeńni sudnaŭ.
Dadatkovaj prablemaj dla Maskvy stała strata častki mahčymaściaŭ u Siryi. Paśla źmieny ŭłady ŭ krainie Rasija ryzykuje stracić poŭny kantrol nad klučavymi častkami dźviuch svaich vajskovych baz.
U jakaści alternatyvy Maskva razhladaje mahčymaść stvareńnia vajskova-marskoj bazy ŭ livijskim porcie Tabruk, jaki ŭžo vykarystoŭvajecca dla rasijskaj łahistyki ŭ rehijonie.
Rasija ściahvaje vajskovy fłot u Bałtyjskaje mora paśla pahroz Pucina ŭ bok Jeŭropy
U Jeŭrasajuzie zatrymali tankier rasijskaha cieniavoha fłotu — užo piaty sioleta
Francuzy zatrymali čarhovy tankier rasijskaha cieniavoha fłotu
Vahnieraŭcy na rasijskim «cieniavym fłocie» — nie tolki dla achovy hruzaŭ. Vyniki novaha rasśledavańnia
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary
rf pridumał ałkaš jelcin