«U nas jany vielmi sałodkija». Biełaruska pachvaliłasia ŭradžajem hihanckich kavunoŭ

— U peŭny momant prychodziš da dumki, što vyraścić prosta kavun — niecikava. Cikava atrymać maksimalny ŭradžaj ź minimalnaj płoščy pry minimalnym dohladzie. 23 žniŭnia na hradcy zastalisia poźniaśpiełyja hihanty i «niekandycyja» — kavuny vahoj da 3 kh, — raskazvaje ŭ tyktoku Alena z Vaŭkavyska. Rolik nabraŭ bolš za 250 tys. prahladaŭ i sotni kamientaryjaŭ. U asnoŭnym ludzi zachaplajucca kavunami Aleny, zadajuć pytańni pa temie i dzielacca svaimi pośpiechami ŭ vyroščvańni bachčavych kultur.

@vital046 riezultaty po sortam siezon 2026 El Uafi 11 št vies 83.4 kh Talisman 7 št vies 75.2 kh Šampań 4 št vies 19.4 kh yelloy heat 9 št vies 39.4 kh black tyresson 5 št vies 47 kh Amina 7 št vies 70 kh Sidniej (dva rastienija) 18 št 64.6 kh Romanza 10 št vies 89.2 Amfion 4 št vies 42 kh#arbuz #watermelon #leto #vkusno #biełaruś ♬ orihinalnyj zvuk - Arbuz Vołkovysk

Žurnalisty Onliner.by źviazalisia z Alenaj, kab daviedacca, u čym sakret takoha bahataha ŭradžaju.

— My žyviom u pryharadzie Vaŭkavyska, kavuny vyroščvajem kala 18 hadoŭ. Spačatku pośpiechi byli nie vielmi, ale potym, u 2016 hodzie, ja daviedałasia, što ich možna pryščaplać — jak drevy. Pieraprabavali šmat, idealnaha tak i nie vybrali, ale apošnim časam spynilisia na harbuzie-łahienaryi. Heta značyć, u rassadny pieryjad vyroščvajucca łahienaryja i kavun, vierchavina harbuza zrazajecca, a na jaho korań pryščaplajecca kavun.

Što heta daje? Sam kavun na ŭłasnym korani raście, kali tempieratura hleby padymajecca vyšej za 18 hradusaŭ. A pryščepleny na łahienaryju ŭžo raście pry 14 hradusach. Adpaviedna, jaho možna raniej vysadzić. Karaniovaja sistema łahienaryi bolš mahutnaja, tamu kavun, naturalna, atrymlivaje bolš sił i charčavańnia, — dzielicca łajfchakami pa vyroščvańni paŭdniovych kultur biełaruska.

@vital046 zriełyj arbuz proŝie vsieho opriedieliť po sroku 35+ dla porcionnoho i 40+ dla krupnopłoda s momienta zaviazi raźmierom s hrieckij oriech, no jesť i vniešnije priznaki #arbuz #leto #ohorod #watermelon #hriadka ♬ orihinalnyj zvuk - Tajus

Pry hetym žančyna padkreślivaje: kab vyroščvać kavuny, treba šmat miesca.

— Pamiž radami kavunoŭ u nas adlehłaść prykładna 5 mietraŭ, a ŭ adnym radzie adlehłaść pamiž raślinami — kala mietra. Usio dla taho, kab płady atrymlivali bolš charčavańnia. Starajemsia vysadžvać ich raniej, tamu što ŭ žniŭni pačynajecca šmat chvarob i asabliva ničoha ŭžo nie atrymajecca.

Tamu zvyčajna ŭ pačatku maja robim takuju vysokuju hradku i nakryvajem jaje prazrystaj plonkaj — praź jaje dobra prachodzić soniečnaje śviatło i nahravaje ziamlu. Potym hrunt zaściłajem čornym spanbondam, kab nie pałoć i kab jahada nie lažała niepasredna na ziamli i nie hniła.

Hradku dobra zapraŭlajem pierahnojem, dadajom piasok, tamu što ŭ nas hleba suhlinistaja, a kavun bolš lubić piasčanuju hlebu. Nijakaha farmiravańnia my nie pravodzim, lišnija płady nie adščypvajem. Jak rastuć, tak i rastuć. Dźvie prafiłaktyčnyja apracoŭki ad chvarob, abaviazkova apracoŭvajem kalcyjem, kab jahada nie treskałasia, — dapaŭniaje Alena.

Pa słovach biełaruski, kavuny atrymlivajucca vielmi sałodkimi.

— Bo pryviezienyja kavuny, jakija my kuplajem u kramie ci na rynku, zryvajuć źlohku niedaśpiełymi, kab ich možna było pieravozić, transpartavać. Nu i plus jany tam lažać u kramie tydzień-druhi, vyparvajuć vilhać, što taksama nie vielmi dobra ŭpłyvaje na smakavyja jakaści.

— A vy vyroščvajecie kavuny na prodaž?

— Nie, u asnoŭnym dla siabie. Nu i jašče častujem siabroŭ, svajakoŭ. Pradajom tolki pryščeplenuju rasadu. Hałoŭny ahranom — ja [śmiajecca]. Ale muž taksama dapamahaje, viadoma. Da taho ž mienavita jon viadzie sacsietki, zdymaje roliki pra naša zachapleńnie.

• 2
• 0
• 0
• 0
• 0
• 0
• 0
• 0