Pucin na pieramovach z pasłańnikami Trampa zajaviŭ, što «paśpiachova prasoŭvajecca» va Ukrainie i dabjecca «metaŭ SVA»
Prezident Rasii Uładzimir Pucin zajaviŭ śpiecpradstaŭnikam ZŠA Styvienu Uitkafu i Džaredu Kušnieru, što jaho armija «paśpiachova» prasoŭvajecca va Ukrainie, i vykazaŭ upeŭnienaść, što dabjecca metaŭ «śpiecyjalnaj vajennaj apieracyi». Pra heta pa vynikach trochhadzinnych pieramoŭ u Kramli paviedamiŭ pamočnik prezidenta Juryj Ušakoŭ, piša The Moscow Times.
«Z rasijskaha boku byli dadzienyja vyraznyja i vyčarpalnyja acenki situacyi, jakaja składvajecca padčas praviadzieńnia śpiecyjalnaj vajennaj apieracyi. U pryvatnaści, adznačanyja realnyja pośpiechi rasijskaj armii ŭ prasoŭvańni ŭ zonie bajavych dziejańniaŭ, vykazanaja ŭpeŭnienaść u dasiahnieńni pastaŭlenych metaŭ», — skazaŭ Ušakoŭ.
Pucin, pavodle jaho słoŭ, znoŭ zajaviŭ pra nieabchodnaść «likvidacyi ŭsich pieršapryčyn kanfliktu», a Kušnier i Uitkaf «paabiacali vykarystać» atrymanuju ad rasijskaha prezidenta infarmacyju «padčas zaŭtrašnich kantaktaŭ u Kijevie».
«Amierykanskija pradstaŭniki surjozna padrychtavalisia da hetaj pajezdki. Imi nie tolki vykazvałasia tradycyjnaja zacikaŭlenaść u jak maha chutčejšym zakančeńni bajavych dziejańniaŭ, ale i byŭ sfarmulavany ceły šerah mierkavańniaŭ nakont mahčymych šlachoŭ urehulavańnia», — dadaŭ Ušakoŭ.
Niahledziačy na stomlenaść ad vajny ŭ hramadstvie, paliŭny kryzis, ciažkaści ŭ ekanomicy i ŭkrainskija ŭdary ŭhłyb Rasii, Pucin nie hatovy iści na sastupki: jon pa-raniejšamu choča zachapić bolš terytoryj, raskazała Reuters blizkaja da Kramla krynica.
«Šancaŭ na dasiahnieńnie pahadnieńnia pa linii frontu niama, pakul Pucin nie skončyć zachop astatniaj častki Danieckaj vobłaści», — patłumačyła jana. Pavodle słoŭ krynicy, rasijski prezident vieryć, što heta adbudziecca da kanca hoda, pakolki tak jamu dakładvajuć jaho kamandziry.
Što mienavita pryvieźli ŭ Maskvu Uitkaf i Kušnier, zastajecca niezrazumiełym. Krynicy Bloomberg z ukrainskaha boku miarkujuć, što jany znoŭ sprabujuć prasunuć płan stvareńnia na Danbasie demilitaryzavanaj svabodnaj ekanamičnaj zony.
Prahresu ad novaha turne śpiecpasłańnikaŭ Trampa, jakoje adkładałasia bolš jak try miesiacy, nie čakajuć ni ŭ Maskvie, ni ŭ Kijevie, kažuć surazmoŭcy ahienctva. Pavodle ich słoŭ, Pucin hatovy skončyć vajnu tolki na svaich umovach, i jaho patrabavańni stanoviacca bolš žorstkimi, pakolki jon vieryć, što maje pieravahu nad Ukrainaj na poli boju.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary
[Zredahavana]