Пуцін на перамовах з пасланнікамі Трампа заявіў, што «паспяхова прасоўваецца» ва Украіне і даб'ецца «мэтаў СВА»
Прэзідэнт Расіі Уладзімір Пуцін заявіў спецпрадстаўнікам ЗША Стывену Уіткафу і Джарэду Кушнеру, што яго армія «паспяхова» прасоўваецца ва Украіне, і выказаў упэўненасць, што даб'ецца мэтаў «спецыяльнай ваеннай аперацыі». Пра гэта па выніках трохгадзінных перамоў у Крамлі паведаміў памочнік прэзідэнта Юрый Ушакоў, піша The Moscow Times.
«З расійскага боку былі дадзеныя выразныя і вычарпальныя ацэнкі сітуацыі, якая складваецца падчас правядзення спецыяльнай ваеннай аперацыі. У прыватнасці, адзначаныя рэальныя поспехі расійскай арміі ў прасоўванні ў зоне баявых дзеянняў, выказаная ўпэўненасць у дасягненні пастаўленых мэтаў», — сказаў Ушакоў.
Пуцін, паводле яго слоў, зноў заявіў пра неабходнасць «ліквідацыі ўсіх першапрычын канфлікту», а Кушнер і Уіткаф «паабяцалі выкарыстаць» атрыманую ад расійскага прэзідэнта інфармацыю «падчас заўтрашніх кантактаў у Кіеве».
«Амерыканскія прадстаўнікі сур'ёзна падрыхтаваліся да гэтай паездкі. Імі не толькі выказвалася традыцыйная зацікаўленасць у як мага хутчэйшым заканчэнні баявых дзеянняў, але і быў сфармуляваны цэлы шэраг меркаванняў наконт магчымых шляхоў урэгулявання», — дадаў Ушакоў.
Нягледзячы на стомленасць ад вайны ў грамадстве, паліўны крызіс, цяжкасці ў эканоміцы і ўкраінскія ўдары ўглыб Расіі, Пуцін не гатовы ісці на саступкі: ён па-ранейшаму хоча захапіць больш тэрыторый, расказала Reuters блізкая да Крамля крыніца.
«Шанцаў на дасягненне пагаднення па лініі фронту няма, пакуль Пуцін не скончыць захоп астатняй часткі Данецкай вобласці», — патлумачыла яна. Паводле слоў крыніцы, расійскі прэзідэнт верыць, што гэта адбудзецца да канца года, паколькі так яму дакладваюць яго камандзіры.
Што менавіта прывезлі ў Маскву Уіткаф і Кушнер, застаецца незразумелым. Крыніцы Bloomberg з украінскага боку мяркуюць, што яны зноў спрабуюць прасунуць план стварэння на Данбасе дэмілітарызаванай свабоднай эканамічнай зоны.
Прагрэсу ад новага турнэ спецпасланнікаў Трампа, якое адкладалася больш як тры месяцы, не чакаюць ні ў Маскве, ні ў Кіеве, кажуць суразмоўцы агенцтва. Паводле іх слоў, Пуцін гатовы скончыць вайну толькі на сваіх умовах, і яго патрабаванні становяцца больш жорсткімі, паколькі ён верыць, што мае перавагу над Украінай на полі бою.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў15
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
[Зрэдагавана]