Novaja madel Claude za 44 chviliny ŭzłamała šyfr, jaki nie mahli razhadać 373 hady
Cyphral Distich stvaryŭ šatłandski piśmieńnik Tomas Urkchart u 1653 hodzie. Šyfr składajecca z dvuch radkoŭ pa 32 ličby.
Novaja madel niejrasietki Claude Fable 5.1 uzłamała šyfr Cyphral Distich, jaki kryptohrafy nie mahli razhadać 373 hady. Pra heta paviedamiła kampanija Vals AI, jakaja śpiecyjalizujecca na testavańni madelaŭ štučnaha intelektu.
«Vykarystoŭvajučy Fable 5.1, my rasšyfravali šyfr, jaki zastavaŭsia nierazhadanym na praciahu 373 hadoŭ. <…> Azirajučysia nazad, možna skazać, što jon amal ašałamlalna prosty», — havorycca ŭ publikacyi.
Cyphral Distich stvaryŭ šatłandski piśmieńnik Tomas Urkchart u 1653 hodzie. Šyfr składajecca z dvuch radkoŭ pa 32 ličby.
Jon zastavaŭsia nierazhadanym na praciahu stahodździaŭ.
Jak nievyrašalnuju prablemu jaho nazvali ŭ 1899 hodzie ŭ časopisie Notes and Queries, paźniej jaho znoŭ zhadvali ŭ litaratury pa kryptahrafii XX stahodździa, a jašče paźniej daśledčyk histaryčnych šyfraŭ Kłaŭs Šme ŭklučyŭ jaho ŭ śpis 50 samych viadomych nierazhadanych zašyfravanych paviedamleńniaŭ.
Fable 5.1 zaŭvažyła, što pierad kryptahramaj raźmieščany 32 «praviracyi» Urkcharta — 32 karotkija pažadańni. Madel supastaviła kožnuju ličbu z adpaviednym frahmientam tekstu, vykarystała ličbu jak numar słova i ŭziała pieršuju litaru hetaha słova.
Na hetuju zadaču niejrasietka patraciła 44 chviliny i 174 tysiačy tokienaŭ.
U vyniku atrymałasia paviedamleńnie: «O Boža, padtrymaj karala Karła II i zrabi jaho viarchoŭnym uładarom hetaj ziamli».
U 1649 hodzie ŭ Anhlii paśla pakarańnia śmierciu karala Karła I manarchija była skasavana i abvieščana respublika. Kiraŭnikom krainy ŭ 1653 hodzie staŭ Olivier Kromviel, jaki nasiŭ tytuł łorda-pratektara. Kromviel u 1658 hodzie pamior, u krainie pačaŭsia chaos, i parłamient pryzvaŭ na tron syna Karła I, jaki byŭ karanavany ŭ 1660 hodzie jak Karł II. Manarchija była adnoŭlena.
Kamientary