Bolš za dvoje sutak u darozie. Biełaruska raskazała, jak źjeździła ŭ aŭtobusny tur u Hruziju
Smačnaja ježa, čystaje mora i taksi ŭ dva razy tańniejšaje, čym u nas. Minčanka Alaksandra Kałantaj u lipieni pajechała na aŭtobusie ŭ Hruziju i raskazała žurnalistu vydańnia Myfin.by pra vydatki i ŭražańni.
Daroha, pražyvańnie i śniadanki — 465 $
U šumny Batumi biełaruska jechać pryncypova nie chacieła i abrała pryharadny pasiołak Honia, raźmieščany praktyčna kala miažy z Turcyjaj, jaki słavicca staražytnarymskaj krepaściu I stahodździa i samym čystym moram u rehijonie.
Tur, jaki ŭklučaŭ u siabie darohu z pražyvańniem i śniadankami, kaštavaŭ 465 $. Jašče 300 BYN treba było zapłacić za turystyčnuju pasłuhu.
«Vyjechali a šostaj hadzinie viečara ŭ niadzielu, a ŭ hateli ŭ Hruzii byli ŭžo a šostaj ranicy ŭ sieradu. Za hety čas adna noč prajšła ŭ tranzitnym hateli ŭ Rasii. Miežy, darečy, prajšli vielmi chutka. Tudy — za 3 hadziny 20 chvilin, nazad — za paŭtary hadziny».
U nas była zaklučanaja damova z turfirmaj Zefir Travel. U košt 10‑dzionnaha tura ŭvachodzili taksama i niekalki ekskursij. Žyli ŭ hateli «Vajaž» za dźvieście mietraŭ ad mora».
Choć śniadanki i byli arhanizavanyja pavodle pryncypu «šviedski stoł», raznastajnym mieniu nazvać było nielha, kožny dzień padavali praktyčna adno i toje ž.
Zatoje na abied ci viačeru Alaksandra vybirała što-niebudź cikavaje, čarhujučy ŭstanovy z hruzinskaj i jeŭrapiejskaj kuchniami.
«Ceny byli vielmi roznymi, usio zaležała ad restarana. Naprykład, u restaranie «Bieły dom» piać chinkali, sałata i limanad abyšlisia mnie 29 łary (kala 33 BYN), a ŭ Elle tolki sałat i limanad kaštavali ŭžo kala 50 łary (56 BYN). Smačna i niadoraha jeli hruzinskuju kuchniu ŭ restaranach «Bieły dom» i «Farelevy bar Arioł».
Internet za ŭsiu pajezdku — 17$
U Honia Alaksandry vielmi spadabałasia: vodar viekavych eŭkaliptaŭ, kryštalova čystaja vada i hory, što navisajuć nad moram.
«Try hady tamu ja adpačyvała ŭ Kabuleci, i tam taksama było cudoŭna. Dla siabie ja zrabiła takoje paraŭnańnie: kali płanujecie šmat padarožničać pa roznych miescach, to zručniej spynicca ŭ Kabuleci. A kali chočacca spakojna adpačyvać u adnym miescy i časam jeździć u Batumi, to lepš vybirać Honia. Adzinaje, čaho mnie tam nie chapiła, — heta rynku, dzie možna było b kupić niedarahuju sadavinu i nabrać łasunkaŭ dadomu».
U pajezdcy biełaruska raźličvałasia kartami VISA Alfa-Banka i VISA Pryjorbanka. Na internet za ŭsiu pajezdku vydatkavała 17 $, kupiŭšy eSIM na 5 HB praź mižnarodny servis Airalo.
Kali patrebna było taksi, karystałasia «Jandeks Go» z pryviazanaj biełaruskaj kartaj. Praz dadatak atrymlivałasia našmat vyhadniej, čym karystacca pasłuhami miascovych taksistaŭ-bambił. Inšym razam pajezdka abychodziłasia ŭ dva razy tańniej, čym na anałahičnuju adlehłaść u Minsku.
Kurs łary i biełaruskaha rubla na momant publikacyi praktyčna adnolkavy
«U adzin ź dzion my jeździli z Honia ŭ Batumski bataničny sad (uvachod 25 łary). Na zvarotnym šlachu miascovyja kiroŭcy prasili amal u dva razy bolš, tłumačačy heta tym, što im potym jašče viartacca nazad».
Bieź niepryjemnaściaŭ nie abyšłosia. Pa darozie ŭ Bataničny sad kiroŭca nie razmaŭlaŭ pa-rusku i pasprabavaŭ udakładnić, da jakoha ŭvachodu nam treba. Praz moŭny barjer uźnikła nieparazumieńnie: jon pryvioz nas da inšaha ŭvachodu, a košt pajezdki pieraličyŭsia, i zamiest 24 łary atrymałasia 40. Było niepryjemna.
U astatnim ceny byli bolš čym prymalnyja. Asabliva ździvili pajezdki pa hornych darohach: za 10 chvilin šlachu košt moh składać usiaho 4 łary, choć pa fakcie jechać davodziłasia daŭžej praz vuzkija darohi i mnostva krutych pavarotaŭ».
Krepaść Honia — 15 łary, dendrapark Šekviecili — biaspłatna
Ekskursii ad turfirmy ŭklučali ŭ siabie ahladnuju pa Batumi z prahułkaj na katary i pajezdku ŭ Tbilisi i Mcchietu.
Pa darozie turysty spynialisia kala Žynvalskaha vadaschovišča i na ahladnaj placoŭcy, dzie možna ŭbačyć źlićcio dźviuch rek. Za 15 łary Alaksandra naviedała krepaść Honia i biaspłatna — dendrapark Šekviecili, jaki spadabaŭsia bolš za Bataničny sad u Batumi: uvachod volny, a akramia pryhožych raślin možna ŭbačyć fłaminha, paŭlinaŭ i inšych žyvioł.
«U Tbilisi samastojna padnialisia na niezvyčajnym funikulory — heta abyjšłosia ŭ 25 łary. Z dadatkovych ekskursij my kuplali tolki adnu — pajezdku na Homis Mta. Jana kaštavała 130 łary, u košt uvachodzili tranśfier i piknik, jaki faktyčna zamianiŭ nam i abied, i viačeru. Z dadatkovych vydatkaŭ u hety dzień byli: 10 łary na tranśfier u Batumi i nazad, 6 łary na tualety i jašče 6 łary na vadu i marožanaje.
Na žal, z nadvorjem na Homis Mta nam nie pašancavała. Hałoŭnaj metaj było ŭbačyć znakamity zachad sonca nad abłokami, ale zamiest hetaha my kala piaci hadzin praviali ŭ hustym tumanie. Adnak ja zusim nie škaduju, što pajechała. U nas sabrałasia vydatnaja kampanija ź Biełarusi i Kazachstana, tamu sumavać nie davodziłasia, a ad pryhažości hor udałosia atrymać asałodu, navat niahledziačy na nadvorje».
Usia pajezdka — kala $1160
Alaksandra ŭvažliva paličyła ŭsie vydatki. U Hruzii na ježu i zabavy jana vydatkavała praktyčna stolki ž, kolki kaštavaŭ sam tur: 453 $. U tranzicie pa Rasii pajšło 3 642 rasijskich rubloŭ (kala 43 $): na haračaje charčavańnie 2 032 ₽, na łasunki i vadu 1 530 ₽, jašče 80 ₽ — na płatnyja tualety.
«Prypynki na haračaje charčavańnie byli ŭsiaho adzin-dva razy na dzień, tamu vialikich vydatkaŭ nie atrymałasia. Dy i paśla pastajannych pierakusaŭ u darozie šmat jeści nie chaciełasia. Daražejšym za bolšaść astatnich pryjomaŭ ježy akazaŭsia chot-doh na zapraŭcy. Za chot-doh, łate i ekler ja addała 797 rasijskich rubloŭ, u toj čas jak u stałovaj bulba z sousam, viniehret i čaj abyjšlisia ŭsiaho ŭ 320 rubloŭ.
Vynikovaja suma pajezdki atrymałasia kala $ 1160.
«Padčas adpačynku ja prymała rašeńni chutčej sercam, tamu nie mahu skazać, što škaduju pra niejkija vydatki. Ale kali hladzieć abjektyŭna, mnohim ludziam nie patrebnyja pajezdki vyklučna na taksi, štodzionnaja arenda šezłonhaŭ abo viačery ŭ pryhožych, ale darahich restaranach».
Što ŭziać u darohu
Pajezdka, ličyć minčanka, na 100% była vartaja svaich hrošaj. Dziakujučy tamu, što ŭdałosia aščadzić na darozie, atrymałasia bolš patracić na zabavy, ekskursii i smačnuju ježu. A ŭražańniaŭ zastałosia mnostva. I navat hałoŭnaja składanaść aŭtobusnaha tura — adsutnaść paŭnavartasnaha načnoha snu — anitrochi ich nie azmročyła.
Da taho ž padarožnica padrychtavałasia: uziała ŭ darohu pled, paduški dla šyi i noh, masku dla snu i kampresijnyja pančochi.
«Jašče možna ŭziać bierušy, bo ŭ aŭtobusie zaŭsiody jość niejki fonavy šumok. Ale taki farmat padarožžaŭ padychodzić nie ŭsim. Mahčyma, kali-niebudź ja i sama admoŭlusia ad aŭtobusnych turaŭ, ale pryčyna budzie tolki adna — fizičnaja stomlenaść ad doŭhaha znachodžańnia ŭ darozie i pastajanny niedachop snu.
Vajskova-Hruzinskaja daroha — heta toje, dziela čaho sapraŭdy varta jechać u aŭtobusny tur. Kali z usich bakoŭ ciabie akružajuć vieličeznyja hory nievierahodnaj pryhažości, ty pierastaješ adčuvać stomlenaść ad darohi i razumieješ, što hety momant zastaniecca ŭ pamiaci nazaŭždy».
Zaviaźli ŭ mahnitnych piaskach i ździvilisia cenam u kaviarniach. Biełarus raskazaŭ, jak źjeździŭ ź siamjoj na mašynie ŭ Hruziju
Pajechaŭ na adpačynak z žonkaj i dočkami, ale dadomu nie viarnuŭsia. U avaryi ŭ Hruzii zahinuŭ 38‑hadovy minčuk Siarhiej
Płanavali viasielle, ale nie viarnulisia z adpačynku. U avaryi ŭ Hruzii zahinuli 21‑hadovy Hleb i 20‑hadovaja Nastaśsia z Bresta
Stała viadomaja asoba biełaruski, jakaja zahinuła ŭ Batumi. Razam ź joj u pierakulenym mikraaŭtobusie była dačka
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka4
Kamientary
Eto ž v odnu storonu, ja pravilno posčitał?
"Vyjechali a šostaj hadzinie viečara ŭ niadzielu, a ŭ hateli ŭ Hruzii byli ŭžo a šostaj ranicy ŭ sieradu" - nu, to jesť 60 časov i tri nočievki. V avtobusie. I nazad - stolko žie.
"U košt 10‑dzionnaha tura ŭvachodzili" - eto pri 10dnievnom turie.
Ad. Hriebanyj AD na ziemle.