Staŭ viadomy trahičny los źnikłaj ciažarnaj žančyny ŭ Minsku. Jaje zabiŭ baćka budučaha dziciaci
Učora źjaviłasia infarmacyja, što ŭ Minsku šukajuć 43‑hadovuju Taćcianu Marciščanka. Z 8 vieraśnia žančyna nie źjaŭlałasia ŭdoma i nie vychodziła na suviaź.
Pra jaje los paviedamiła MUS.
Apieratyŭniki kryminalnaha vyšuku pry siłavoj padtrymcy bajcoŭ «Ałmaza» zatrymali 38‑hadovaha žychara stalicy, jaki padazrajecca ŭ zabojstvie 43‑hadovaj minčanki.
Mužčyna pryznaŭsia, što mieŭ z zahinułaj blizkija adnosiny i viedaŭ, što jana čakaje ad jaho dzicia. Pry hetym mužčyna aficyjna byŭ u inšych adnosinach, z-za čaho pamiž im i achviaraj rehularna ŭźnikali kanflikty.
Padčas čarhovaj svarki jon niekalki razoŭ udaryŭ žančynu nažom, pakłaŭ cieła ŭ darožnuju sumku, vyviez za horad i zakapaŭ. Pa darozie pazbaviŭsia dokazaŭ — akryvaŭlenaj vopratki i jaje smartfona.
Dačka zahinułaj paviedamiła pra źniknieńnie maci ŭ milicyju praz dva dni paśla zabojstva. Padazravanaha zatrymali na praciahu sutak. Jon pryznaŭ vinu.
Ciapier čytajuć
Toj samy masažyst raskazaŭ, navošta zdymaŭ hołych klijentak2
Kamientary