Žančyna z Tenesi vyžyła paśla dźviuch śmiarotnych injekcyj padčas pakarańnia śmierciu i była dastaŭlena ŭ balnicu
Viarchoŭny sud ZŠA dazvoliŭ pryvieści ŭ vykanańnie śmiarotny prysud žančynie z Tenesi.
Źniavolenaja z Tenesi Krysta Pajk vyžyła paśla dźviuch śmiarotnych injekcyj, jakija joj zrabili padčas pryviadzieńnia ŭ vykanańnie śmiarotnaha prysudu, i była dastaŭlena ŭ balnicu. Ułady sprabavali pryvieści prysud u vykanańnie paśla rašeńnia Viarchoŭnaha suda ZŠA, piša Bi-bi-si.
Da pačatku pakarańnia śmierciu praceduru prypynili prykładna za hadzinu da pryznačanaha času: fiederalny apielacyjny sud zajaviŭ, što jamu nieabchodna bolš času, kab razhledzieć arhumienty abarony, jakaja zaklikała nie pryvodzić prysud u vykanańnie.
Paźniej advakat Pajk zajaviŭ, što jana zastałasia žyvoj paśla dźviuch śmiarotnych injekcyj. Užo padčas pracedury pryviadzieńnia prysudu ŭ vykanańnie advakaty źniavolenaj padali terminovaje chadajnictva z prośbaj spynić jaje.
«Pajk straciła prytomnaść, ale jaje serca ŭsio jašče bjecca, čuvać, jak jana chrapie», — havaryłasia ŭ zajavie advakataŭ.
Adzin ź jaje pradstaŭnikoŭ paviedamiŭ Bi-bi-si, što 50‑hadovaj Pajk «pravodziać reanimacyjnyja mierapryjemstvy» paśla taho, jak joj uviali dźvie dozy pientabarbitału — mocnadziejnaha snatvornaha preparata, jaki vykarystoŭvajecca dla pakarańnia śmierciu.
Pierad hetym Viarchoŭny sud ZŠA dazvoliŭ pryvieści ŭ vykanańnie śmiarotny prysud žančynie z Tenesi. Da hetaha sud prypyniŭ pakarańnie za hadzinu da pryznačanaha času.
Rašeńnie Viarchoŭnaha suda było pryniata ŭ sieradu kala 18:00 pa miascovym časie (3‑ia ranicy čaćviarha pa Minsku). Ordar na pryviadzieńnie śmiarotnaha prysudu ŭ vykanańnie pavinien byŭ skončycca apoŭnačy.
Pajk čakała pakarańnia śmierciu z 1996 hoda. U sieradu fiederalny apielacyjny sud zajaviŭ, što jamu nieabchodny čas dla vyvučeńnia arhumientaŭ abarony, jakaja zaklikała nie vykonvać prysud.
Adnak Viarchoŭny sud zadavoliŭ prośbu prakurora Tenesi, jaki patrabavaŭ admianić adterminoŭku, rašeńnie ab jakoj pryniaŭ sud nižejšaj instancyi.
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara9
Kamientary
Usio stroha pa rehłamientu.
Napisana ŭkoł, značyć ukoł. Kali ŭkoł nie ŭziaŭ, nichto jaje dadušvać nie budzie.
Pajedzie znoŭ u turmu jašče 30 hod čakać.