U Polščy źbirajucca pavialičyć sumu, jakuju zamiežniki pavinny mieć dla ŭjezdu
Minimalnuju sumu na dzień znachodžańnia prapanujuć pavialičyć u 4 razy. Kaho źmieny zakranuć?
Novyja patrabavańni praduhledžanyja prajektam pastanovy Ministerstva ŭnutranych spraŭ i administracyi Polščy, piša MOST. Dakumient pakul prachodzić kansultacyi.
Ciapier zamiežniki, jakija pryjazdžajuć u Polšču na termin da čatyroch dzion, pavinny mieć prynamsi 300 złotych (69 jeŭra) abo ekvivalent u inšaj valucie. Dla daŭžejšaha znachodžańnia patrabujecca nie mienš za 75 złotych (17 jeŭra) na dzień.
Prajekt prapanuje pavialičyć hetyja sumy:
dla pajezdki praciahłaściu da čatyroch dzion — da 1000 złotych (229 jeŭra);
dla daŭžejšaj pajezdki — da 300 złotych (69 jeŭra) na kožny dzień.
Kali vydatki na znachodžańnie apłačvaje prymajučy bok abo čałaviek pryjazdžaje na turystyčnaje mierapryjemstva ci spartyŭnaje spabornictva, jamu treba budzie mieć prynamsi 130 złotych (30 jeŭra) na dzień, ale nie mienš za 650 złotych (149 jeŭra) ahułam.
Dla tych, chto ŭjazdžaje na vučobu abo dla navukovych daśledavańniaŭ, prapanavany minimum — 2020 złotych (463 jeŭra). Zamiest paćviardžeńnia najaŭnaści hrošaj možna budzie pradjavić dakumient ab pryznačeńni stypiendyi.
Zamiežniku, jaki ŭjazdžaje z susiedniaj z Polščaj dziaržavy, treba budzie mieć jašče prynamsi 200 złotych (46 jeŭra) na zvarotny bilet abo zahadzia nabyty bilet.
Paćvierdzić najaŭnaść srodkaŭ možna budzie darožnym čekam, bankaŭskaj daviedkaj pra limit kredytnaj karty abo pra hrošy na rachunku ŭ banku Polščy ci inšaj krainy Jeŭrasajuza.
Źmieny nie zakranuć tych, chto ŭjazdžaje pa dazvole na žycharstva, rabočaj vizie abo vizie, vydadzienaj uładalniku karty palaka.
Pavodle prajekta, pastanova nabudzie moc praz 30 dzion paśla padpisańnia ministram.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy3
Kamientary