U piacizorkavym hateli chłopčyk vypaŭ z akna i zahinuŭ. Baćku aštrafavali na try tysiačy jeŭra
Džošua Foster dumaŭ, što akno začynienaje, i pasadziŭ paŭtarahadovaha syna na padakońnik.
Baćku, dvuchhadovy syn jakoha vypaŭ z akna čaćviortaha paviercha hatela na Kipry, aštrafavali na 3000 jeŭra. Chłopčyk zahinuŭ, piša Bi-bi-si — Ukraina.
Jak paviedamiŭ akruhovy sud Pafasa, Džošua Foster dumaŭ, što akno začynienaje, i pasadziŭ syna na padakońnik. Jon chacieŭ pakazać jamu vid na akvapark, ale straciŭ nad im kantrol.
Heta byŭ pieršy dzień siamiejnaha adpačynku — 12 lipienia. Dzicia ŭpała z vyšyni amal 12 mietraŭ u piacizorkavym hateli King Evelthon Beach Hotel and Resort u Chłarakasie.
37‑hadovy Foster ź Vialikabrytanii pryznaŭ siabie vinavatym u pryčynieńni śmierci syna praź nieaściarožnaść.
Paśla hetaha jon skazaŭ žurnalistam: «Dziakuj za padtrymku. Ja ź nieciarpieńniem čakaju viartańnia dadomu i mahčymaści być z žonkaj i dačkoj».
Za niekalki hadzin da trahiedyi Džošua Foster razam z žonkaj, dvuma dziećmi, cieściem i cieščaj prylacieŭ na Kipr. Jany kupalisia, aktyŭna bavili čas, a ŭviečary rychtavalisia pajści na viačeru.
Žyćcio, jakoje «źmianiłasia nazaŭždy»
Pavodle słoŭ advakata Alaksandrasa Alaksandru, kala 18:00 Foster išoŭ da lifta razam ź cieściem i synam i hulaŭ ź dziciem.
U sudzie raskazali, što pa darozie chłopčyk zaŭvažyŭ akvapark za miežami budynka.
Foster nacisnuŭ knopku lifta, pasadziŭ dzicia na padakońnik, i zdaryłasia niejmaviernaje, pierš čym jon paśpieŭ zreahavać.
Na papiarednim słuchańni, jakoje adbyłosia 6 kastryčnika, Aleksandru zajaviŭ, što z taho momantu žyćcio Fostera źmianiłasia nazaŭždy.
Chłopčyka dastavili ŭ balnicu Pafasa, dzie paźniej kanstatavali jaho śmierć.
Foster raskazaŭ palicyi, što, kali jon pasadziŭ syna na padakońnik, toj upaŭ «raniej, čym jon paśpieŭ jaho schapić».
Choć u arhaniźmie Fostera vyjavili ałkahol, heta nie stała klučavym elemientam abvinavačańnia. Jaho advakat padkreśliŭ, što nichto nie śviedčyŭ pra toje, što mužčyna byŭ pjany.
Advakat taksama raskazaŭ, što Foster pravioŭ pad vartaj vosiem dzion. Ź izalatara jon byŭ vymušany patelefanavać dačce i rastłumačyć, što zdaryłasia.
U sudzie taksama paviedamili, što akno mieła 2,85 mietra ŭ šyryniu i 1,2 mietra ŭ vyšyniu.
U zajavie kala suda Alaksandras Alaksandru nazvaŭ svajho klijenta «nievierahodnym baćkam».
«Jon uzorny siemjanin, u jakoha cudoŭnaja siamja. Jana padtrymlivaje jaho, atulaje kłopatam i zaŭsiody zastajecca na jaho baku».
Advakat dadaŭ, što paśla abviaščeńnia prysudu Foster vielmi ciažka jaho pieražyvaŭ, a jaho siamji patrebny čas, kab apłakvać stratu.
«Uvieś hety čas jany byli zasiarodžanyja na abaronie», — skazaŭ Alaksandru.
Kamientary