Rasijski vajskoviec, jaki zastreliŭ šeść čałaviek na ŭkrainskaj Charkaŭščynie, raskazaŭ, jak heta było. Siarod achviaraŭ byŭ i dziadula-rybak
Rasijskamu vajskoŭcu Leanidu Ryžykavu, jakoha padazrajuć u zabojstvie piaci ŭkrainskich vajskoŭcaŭ i adnaho cyvilnaha, 15 kastryčnika ŭ Charkaŭskaj vobłaści vystavili abvinavačańnie. Padčas dopytu 36‑hadovy ŭradženiec Sankt-Pieciarburha pryznaŭ svaju vinu i zajaviŭ, što raskajvajecca ŭ zroblenym, piša «Suśpilnie».
Pa materyjałach śledstva, 13 kastryčnika Ryžykaŭ zastreliŭ pažyłoha mužčynu kala siała Michajłaŭka. Na dopycie jon patłumačyŭ, što bajaŭsia, kab rybak nie vydaŭ jaho ŭkrainskim vajskoŭcam.
Padazravany, jaki mieŭ pazyŭny «Juła», raskazaŭ, što mužčyna z vudaj spačatku stajaŭ prykładna za 20 mietraŭ ad jaho, a potym pačaŭ nabližacca. Ryžykaŭ śćviardžaje, što vyrašyŭ strelić, bo bajaŭsia, što rybak pakliča vajskoŭcaŭ i jaho zatrymajuć.
Pavodle jaho słoŭ, paśla adzinočnaha strełu mužčyna ŭpaŭ hałavoj u vadu, a nohi zastalisia na bierazie. Zatym rasijski vajskoviec abšukaŭ kišeni zabitaha i skinuŭ jaho cieła ŭ raku.
Paźniej, pavodle materyjałaŭ śledstva, Ryžykaŭ zabiŭ piać vajskoŭcaŭ 72‑j asobnaj miechanizavanaj bryhady Ukrainy ŭ pasiołku Mamotava.
«Druhoje zabojstva ja ŭčyniŭ, kali ŭžo zajšoŭ u katedž. Pačuŭ, jak čałaviek uciok. Potym pačaŭ viartacca, a ja stajaŭ kala katedža. Ja ničoha nie staŭ rabić — prosta zabiŭ jaho. Jon vybieh, praź piać-dziesiać chvilin ja zabiŭ jaho i viarnuŭsia nazad. Tam było troje vajskoŭcaŭ, ja ich zabiŭ i pačaŭ padymacca na haru. Tam vajskoviec zahadaŭ: «Stajać!» Ja streliŭ u adkaz i ŭciok», — raskazaŭ padazravany.
Paśla hetaha jon, pavodle ŭłasnych słoŭ, pieššu nakiravaŭsia ŭ Charkaŭ. Tam 14 kastryčnika jaho zatrymali ŭkrainskija pravaachoŭniki.
Zabojstva piaci ŭkrainskich vajskoŭcaŭ adbyłosia 13 kastryčnika kala 16:00. Paviedamlałasia, što nieviadomy ŭ cyvilnym adzieńni zastreliŭ vajskoŭcaŭ 72‑j asobnaj miechanizavanaj bryhady.
Na nastupny dzień zatrymali 36‑hadovaha ŭradženca Sankt-Pieciarburha Leanida Ryžykava, jaki moh być datyčny da złačynstva. Jon słužyŭ u druhim bataljonie 1009‑ha motastrałkovaha pałka rasijskich uzbrojenych sił i raniej byŭ sudzimy ŭ Rasii.
Pavodle abłasnoj prakuratury, śledstva miarkuje, što mužčyna moh uvachodzić u skład rasijskaj dyviersijna-raźviedvalnaj hrupy. Kab jaho nie apaznali, jon pieraapranuŭsia ŭ cyvilnaje adzieńnie.
Zahinułym u Mamotavie vajskoŭcam było ad 24 da 40 hadoŭ. Pavodle krynic vydańnia «Suśpilnie» ŭ pravaachoŭnych orhanach, jany słužyli apieratarami ŭdarnych bieśpiłotnikaŭ.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary