Pad Charkavam uciakli rasijskija pałonnyja i zastrelili piaciarych sałdat USU ŭ domie
13 kastryčnika, paśla abiedu, u Charkaŭskaj vobłaści nieviadomy mužčyna adkryŭ ahoń pa vajskoŭcach Uzbrojenych sił Ukrainy. Zahinuli piaciora vajskoŭcaŭ.
Palicyja paćvierdziła zabojstva vajskoŭcaŭ. Pavodle «Hłavkoma», u Charkaŭskaj vobłaści šukajuć dvuch rasijskich vajennapałonnych, jakija mahli ŭciačy ź miesca ŭtrymańnia. Adnak u kamientary BBC palicyja nazvała napadnika nieviadomym.
«Zdareńnie adbyłosia 13 kastryčnika. Nieviadomy adkryŭ ahoń z aŭtamatyčnaj zbroi i zabiŭ piaciarych vajskoŭcaŭ», — zajaviła načalnica adździeła kamunikacyi palicyi Charkaŭskaj vobłaści Ludmiła Prakapienka.
Pavodle papiarednich źviestak, jakija pryvodzić «Hłavkom», uzbrojeny mužčyna padyšoŭ da doma, dzie znachodzilisia ŭkrainskija vajskoŭcy, i adkryŭ ahoń. Adzin vajskoviec zahinuŭ. Zatym napadnik uvajšoŭ u dom i praciahnuŭ stralaninu, zabiŭšy jašče čatyroch.
Vydańnie śćviardžaje, što stralanina praciahvałasia kala dźviuch hadzin, paśla čaho napadnik pakinuŭ miesca zdareńnia.
«Hłavkom» taksama paviedamlaje pra pošuk dvuch rasijskich vajskoŭcaŭ, jakija, pavodle papiarednich danych, uciakli z pałonu. Ich dačynieńnie da zabojstva ŭ pryviedzienym kamientary palicyi nie paćvierdžanaje.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary