Na Paleśsi ciapier svajo žnivo. Tolki zamiest bulby i zbožža — žuraviny, a zamiest zvykłych paloŭ — cełyja płantacyi čyrvonych jahad.
Na vytvorčym učastku «Paleskija žuraviny» AAT «Parachonskaje» ŭ Pinskim rajonie idzie zbor uradžaju. U hetym siezonie tut raźličvajuć atrymać kala 100 ton žuravin. Jak vyhladaje hetaje niezvyčajnaje jahadnaje žnivo, pakazvaje Onliner.by.
Samaje cikavaje ŭ takim zbory — sam praces. Žuraviny tut źbirajuć niezvyčajnym sposabam: płantacyi śpiecyjalna zataplajuć vadoj, a zatym pa ich puskajuć traktary-amfibii.
Technika adździalaje jahady ad kustoŭ, i tyja ŭspłyvajuć na pavierchniu. Usio dziakujučy nievialikim pavietranym połaściam unutry žuravin, jakija nie dajuć im patanuć.
Pastupova vada pieratvarajecca ŭ sucelnaje čyrvonaje pałatno. Rabočyja z dapamohaj śpiecyjalnych pantonnych zaharod ściahvajuć jahady da kraju ŭčastka, adkul ich pa transparciory zahružajuć u pryčepy.
Dalej žuraviny adpraŭlajuć na sartavańnie, dzie vydalajuć liście, travu i paškodžanyja płady. Paśla hetaha jahady hatovyja da prodažu abo zamarožvańnia.
Ciapier čytajuć
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ2
Kamientary
[Zredahavana]