Pamierła Zinaida Charytončyk — vykładčyca Linhvistyčnaha ŭniviersiteta z 60‑hadovym stažam
Jaje nazyvali lehiendaj Linhvistyčnaha.
Pamierła lehienda Linhvistyčnaha ŭniviersiteta, doktar fiłałahičnych navuk, prafiesar Zinaida Charytončyk. Joj było 82 hady.
Jana była zahadčycaj kafiedry ahulnaha movaznaŭstva Minskaha dziaržaŭnaha linhvistyčnaha ŭniviersiteta. Jaje doktarskaja była pryśviečana prymietnikam: «Prymietnik: značeńnie, słovaŭtvareńnie, funkcyi» (1987)
«Ja pryjšła va ŭniviersitet 16‑hadovaj dziaŭčynkaj, — zhadvała jana ŭ adnym ź intervju. — Moładź taho času była biednaj, heta značyć, my nie mieli vielmi mnohaha. Kab vyvučyć fanietyku anhlijskaj movy, ja pavinna była prychodzić u adziny na toj čas kabiniet anhlijskaj movy, dzie stajała niekalki mahnitafonaŭ, i na praciahu niekalkich hadzin praz navušniki prasłuchoŭvać fanietyčnyja praktykavańni. My byli biednymi nie tolki ŭ płanie techničnaha asnaščeńnia samoha ŭniviersiteta i zabieśpiačeńnia navučalnaha pracesu. Nam nie chapała i zvyčajnych žyćciovych dabrot — adzieńnia, abutku, mahčymaściaŭ dla adpačynku i zabaŭ. I tamu, kali ŭ mianie nie było mahčymaści pajści ŭ teatr, ja brałasia za knihu i rychtavałasia da zaniatkaŭ».
Vykładčyca addała Linhvistyčnamu šeść dziesiacihodździaŭ.
«U 1960 hodzie volaju losu ja pryjšła ŭ Minski dziaržaŭny piedahahičny instytut zamiežnych moŭ. Z taho času ŭsio majo žyćcio akazałasia źviazanym mienavita z hetym instytutam, jaki siońnia staŭ univiersitetam. Siońnia ja ŭsprymaju hetuju suviaź jak nadzvyčaj ščaślivuju, bo praca va ŭniviersitecie zaŭsiody prynosiła mnie nievierahodnuju radaść. A heta ŭžo 58 hadoŭ pracoŭnaha stažu, nie ličačy piaci hadoŭ navučańnia ŭ instytucie», — kazała žančyna ŭ 2023 hodzie.
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja11
Kamientary