Stała viadoma pra śmierć doŭhažycharki Maryi Kananovič z Vałožynščyny, jakoj pa pašparcie byŭ 121 hod
Sama jana na pomniku pamierłamu synu aformiła hraviroŭku i sabie, dzie, vidać, ukazała svoj realny hod naradžeńnia.
«Maryja Vikienćjeŭna pamierła jašče 27 žniŭnia 2025 hoda», — raskazali ŭ sielsaviecie.
Zhodna sa źviestkami z pašparta, Maryja Kananovič naradziłasia 27 maja 1904 hoda. A značyć, nibyta pražyła 121 hod i 3 miesiacy. Kali b heta było praŭdaj, to žančyna zaniała b druhoje miesca ŭ suśvietnym śpisie doŭhažycharoŭ za ŭsiu historyju.
Adnak biełaruska nie trapiła ŭ Knihu rekordaŭ Hiniesa, bo davieru savieckim dakumientam nie było. Zrešty, pytańni jość i da historyi absalutnaj doŭhažycharki, francužanki Žanny Kalman, jakaja nibyta pražyła 122 hady 164 dnia.
Aproč Kalman, niama nivodnaha čałavieka, chto dažyŭ by da 120 hadoŭ.
Namieśnik staršyni Vałožynskaha rajvykankama Ihar Šakun u svoj čas vykazvaŭ sumnievy nakont praŭdzivaści infarmacyi ŭ dakumientach Maryi Kananovič.
«Jana žyła na terytoryi Zachodniaj Biełarusi. Paśla ŭźjadnańnia — u 1939-m, kali hetaja terytoryja ŭvajšła ŭ skład SSSR, miascovyja čynoŭniki zapisvali ŭzrost sa słoŭ hramadzian, pakolki adpaviednych dakumientaŭ nie było. Mnohija prypisvali sabie lišnija hady, bo heta ŭpłyvała na termin vychadu na piensiju. Chutčej za ŭsio nie stała vyklučeńniem i naša hierainia», — dzialiŭsia čynoŭnik.
Pa jaho słovach, kali žančyna zamaŭlała pomnik druhomu pamierłamu synu, to zaadno paprasiła aformić tam hraviroŭku i dla siabie. I zamiest 1904‑ha hoda naradžeńnia na pomniku byŭ ukazany 1924 hod.
Za niekalki miesiacaŭ da svajoj śmierci Maryja Kananovič paśpieła dać žurnalistam apošniaje intervju. Jana raspaviała, što naradziłasia ŭ Smarhonskim rajonie ŭ vialikaj siamji, dzie, akramia jaje, było jašče siamiora bratoŭ i siostraŭ. Padčas vajny, kali ŭ ich viosku pryjšli fašysty, jana chavałasia ŭ jamie i tak uratavałasia.
Žančyna pieražyła i ŭsich svaich daktaroŭ, i blizkich svajakoŭ, i muža, i abodvuch synoŭ. Druhoha nie stała, kali Maryi było 108 hod, i hetuju stratu jana vielmi baluča pieražyvała, prasiła Boha chutčej zabrać jaje da rodnych. Unukaŭ u jaje nie było.
U svoj čas Maryja Vikienćjeŭna pieraniesła i infarkt, i insult, ale vykaraskvałasia i da apošniaha trymała pčoł.
Na siońnia ŭ Biełarusi naličvajecca 660 čałaviek u vieku 100 hadoŭ i bolš. Dzieviać ź dziesiaci doŭhažycharoŭ — žančyny. Bolš za ŭsio stahadovych žycharoŭ pražyvaje ŭ Minsku i Minskaj vobłaści: pa 113 čałaviek.
-
Pachavać zakonna svajho chatniaha lubimca ŭ Biełarusi možna tolki ŭ žyviolny mohilnik. Parušeńnie zakonu vyhladaje bolš maralna prymalnym dla mnohich
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Niabiesnaha Uładarańnia...