Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
«Usie dyktatary ŭ śviecie, Stalin i Hitler, Pucin i Łukašenka, nienavidzieli niezaležnuju kulturu».
Maryja Kaleśnikava stała hościaj prestyžnaha muzyčnaha Bietchovienskaha fiestyvalu ŭ Bonie, dzie 2 kastryčnika vystupiła z prahramnaj pramovaj, piša niamieckaje vydańnie Deutsche Welle. Jana raskazała, jak muzyka dapamahła joj vyžyć u adzinočnaj kamiery, i patłumačyła, čamu aŭtarytarnyja režymy panična bajacca niezaležnaha mastactva.
«Źniešniuju svabodu ŭ čałavieka možna adabrać, časam amal całkam. Možna abmiežavać jaho svabodu pieramiaščeńnia, kantakty ź inšymi ludźmi i dostup da infarmacyi. Ale značna ciažej kantralavać toje, što ŭžo stała častkaj jaho pamiaci, ujaŭleńnia i ŭnutranaha dośviedu. I mienavita ŭ hetym dla mianie kryjecca tłumačeńnie, čamu kultura takaja važnaja dla svabodnaha hramadstva i čamu aŭtarytarnyja sistemy tak časta staviacca da jaje ź niedavieram», — zajaviła Kaleśnikava.
Havoračy pra staŭleńnie režymaŭ da mastactva, jana dadała: «Usie dyktatary ŭ śviecie, Stalin i Hitler, Pucin i Łukašenka, nienavidzieli niezaležnuju kulturu, navat kali jana nie maje pramoha palityčnaha padtekstu».
Kaleśnikava pryznałasia, što mastactva stała srodkam vyžyvańnia i ŭ turmie jana nie adčuvała siabie achviaraj, bo nasiła svoj dośvied unutry siabie.
«Ja praviała vielmi šmat času ŭ poŭnaj cišyni. Ale hetaja cišynia amal nikoli nie była pustoj, bo ŭ majoj hałavie pastajanna hučała muzyka. My, muzyki, vielmi dobra viedajem hety stan: časam miełodyja abo muzyčnaja fraza nastolki ŭjadajecca ŭ hałavu, što ad jaje prosta niemahčyma pazbavicca. U zvyčajnym žyćci heta moža navat razdražniać. U turmie ž ja ŭpieršyniu zrazumieła, što mienavita heta moža być vialikim ščaściem», — raskazała byłaja palitźniavolenaja.
Padčas panelnaj dyskusii Maryja vykazałasia nakont rasijskaj ahresii. Jana zhadała, što ŭśviedamleńnie maštabu trahiedyi pryjšło da jaje adrazu, jak tolki ŭ lutym 2022 hoda da turmy dajšli naviny pra ŭvarvańnie:
«Časta hučyć pytańnie: što my abaraniajem va Ukrainie? Navošta nam tak šmat hrošaj i ŭsio novaja zbroja? Dla mianie heta całkam zrazumieła: vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ i jeŭrapiejskaj kultury. Heta vajna suprać našaj cyvilizacyi».
Siońnia svaju misiju Kaleśnikava bačyć u tym, kab nahadvać śvietu pra los bolš jak 800 palityčnych źniavolenych, jakija zastajucca ŭ biełaruskich turmach, a taksama abaraniać svabodu mastackaha vykazvańnia.
-
«Pahladzicie na toje, što adbyvajecca va Ukrainie prosta zaraz, u hetuju chvilinu». Eks-prezident Juščanka źviarnuŭsia z adkrytym listom da Trampa
-
U Biełarusi ŭpieršyniu źjaviłasia łamanaja raźmietka
-
Byłoha vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj, vypuścili ź izrailskaj palicyi
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary
Usio jana vierna skazała, nie lišnim było nahadać Zachodniaj publicy.