Стаў вядомы трагічны лёс зніклай цяжарнай жанчыны ў Мінску. Яе забіў бацька будучага дзіцяці
Учора з'явілася інфармацыя, што ў Мінску шукаюць 43‑гадовую Таццяну Марцішчанка. З 8 верасня жанчына не з'яўлялася ўдома і не выходзіла на сувязь.
Пра яе лёс паведаміла МУС.
Аператыўнікі крымінальнага вышуку пры сілавой падтрымцы байцоў «Алмаза» затрымалі 38‑гадовага жыхара сталіцы, які падазраецца ў забойстве 43‑гадовай мінчанкі.
Мужчына прызнаўся, што меў з загінулай блізкія адносіны і ведаў, што яна чакае ад яго дзіця. Пры гэтым мужчына афіцыйна быў у іншых адносінах, з-за чаго паміж ім і ахвярай рэгулярна ўзнікалі канфлікты.
Падчас чарговай сваркі ён некалькі разоў ударыў жанчыну нажом, паклаў цела ў дарожную сумку, вывез за горад і закапаў. Па дарозе пазбавіўся доказаў — акрываўленай вопраткі і яе смартфона.
Дачка загінулай паведаміла пра знікненне маці ў міліцыю праз два дні пасля забойства. Падазраванага затрымалі на працягу сутак. Ён прызнаў віну.
Каментары