Vialiki słup dymu padymajecca nad Krasnazavodskam Maskoŭskaj vobłaści. Haryć chimičny zavod VIDEA
Tam znachodzicca chimičny zavod i Navukova-vyprabavalny centr rakietna-kaśmičnaj haliny.
U padmaskoŭnym Krasnazavodsku, u rajonie chimičnaha zavoda adbyŭsia mahutny vybuch. Pra heta paviedamiŭ rasijski telehram-kanał 112, blizki da siłavych struktur. Va ŭkrainskich manitorynhavych kanałach publikujucca fota i videa pažaru.
Pavodle papiaredniaj infarmacyi, supracoŭniki pradpryjemstva pačuli vybuch u adnym z karpusoŭ.
Pavodle infarmacyi telehram-kanała «Baza», na pradpryjemstvie pačałasia evakuacyja. Na miescy pracujuć supracoŭniki MNS.
Pavodle słovach ratavalnikaŭ, peŭny čas jany nie mahli dabracca da ačahu ŭzharańnia, adnak ciapier užo prystupili da tušeńnia pažaru.
Pavodle infarmacyi telehram-kanała Shot, u vyniku zdareńnia na pradpryjemstvie zahinuli siem čałaviek. Jany znachodzilisia ŭ cechu № 4, jaki całkam abrynuŭsia. Paciarpiełyja raskazali, što ŭ cechu ŭ momant zdareńnia mahło znachodzicca i bolš rabotnikaŭ.
Pa infarmacyi z adkrytych krynic, Krasnazavodski chimičny zavod vypuskaje siarod inšaha patrony i piratechniku.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary