22‑hadovuju vypusknicu kaledža z Babrujska asudzili za «sadziejničańnie ekstremickaj dziejnaści»
Julijanie Małačkovaj dali chatniuju chimiju.
Julijanie Małačkovaj z Babrujska 22 hady. Niadaŭna dziaŭčyna vypuściłasia ź Minskaha kaledža pradprymalnictva.
Dziaŭčynu sudzili ŭ Mahiloŭskim abłasnym sudzie pavodle častki 1 artykuła 361‑4 Kryminalnaha kodeksa. Jaje abvinavacili ŭ «sadziejničańni ekstremisckaj dziejnaści».
Viadoma, što sud pryznačyŭ Małačkovaj chatniuju chimiju.
***
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
«Naša Niva» — bastyjon biełaruščyny
PADTRYMAĆ56‑hadovuju čynoŭnicu ź Biešankovičaŭ asudzili adrazu pa piaci palityčnych artykułach
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Kiroŭcu pahruzčyka z Hrodna asudzili pa šaści palityčnych artykułach. Imavierna, jaho schapili paśla viartańnia ŭ Biełaruś
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary
A vybaraŭ u Biełarusi niama z 1995 hoda. I toje, što chłusili, što buduć vybary ŭ 2020, to heta i jość zdrada biełaruskamu narodu. I, naturalna što Zachad nie pryznaŭ tyja "vybary". A jakija łukašenkaŭskija "vybary" z 2001 hoda pryznavaŭ Zachad? Nijakija.
Biełarusy ŭ 2020 chacieli nie babaryk, kaleśnikavych, cichanoŭskich i inšych capkałaŭ, a kab nie było Łuki. Tak i ciapier toje ž samaje. Tolki z masavymi represijami suprać nas, biełarusaŭ.
I roźnica miž "intarasantami najmienavańnia žančyny Nacyjanalnaj lidarkaj i Prezidentam-elektam" i "mužam, jaki ... ustupiŭ u žorstki klinč" vielmi prablematyčnyja. A časam i aniekdatyčnyja. Pa prymaŭcy - "muž dy žana - adna satana".
I daj Boh, kab jašče nie pad "prykryćciom" ŭsiu hetu "revalucyjnuju" hrupu na Zachad nie adpravili (tut užo nie pra Cichanoŭskich, a šyrej).
Otrabatyvajut łukašienkovy kvartiry, lhoty, piensii, dołžnosti, priemii, kotoryje vydielajutsia za tierror biełarusok i biełarusov.