Biełahraprambank abnaviŭ sistemu internet-bankinhu, całkam źmianiŭšy jaje dyzajn i zrabiŭšy interfiejs bolš sučasnym i zrazumiełym dla karystalnikaŭ.
Startavy ekran ciapier aformleny ŭ biełych kolerach. Forma ŭvachodu raźmieščanaja źleva, a sprava znachodzicca infarmacyjny banier z aktualnymi prapanovami banka. Naviny i techničnaja padtrymka pieraniesienyja ŭ nižniuju častku staronki, kab nie pierahružać hałoŭny ekran.
Asnoŭny ekran, jaki nazyvajecca pracoŭnym stałom, atrymaŭ plitačny interfiejs. Zamiest vialikich tekstavych tablic bankaŭskija pradukty pakazvajucca ŭ vyhladzie kartak z vyjavami. Układy i kredyty vydzielenyja ŭ asobnyja błoki, dzie nahladna padajecca infarmacyja pra bałans.
U vierchniaj častcy pracoŭnaha stała źjavilisia knopki-filtry «Maje kartki», «Maje ŭkłady», «Maje rachunki» i «Maje kredyty». Jany dazvalajuć u adzin klik pakinuć na ekranie tolki tyja bankaŭskija pradukty, jakija patrebnyja klijentu.
Akramia taho, bank vyzvaliŭ miesca na hałoŭnaj staroncy: stužka navin bolš nie zajmaje značnuju častku ekrana, a asnoŭnaja ŭvaha ciapier nadajecca rachunkam i apieracyjam. Bakavoje mieniu taksama zrabili bolš łakaničnym i zručnym dla čytańnia.
U banku adznačyli, što abnaŭleńnie zakranuła nie tolki źniešni vyhlad sistemy, ale i łohiku pracy ź joj. Pavodle pradstaŭnikoŭ ustanovy, zvykłyja finansavyja apieracyi ciapier patrabujuć mienšaj kolkaści naciskańniaŭ i mienšych vizualnych namahańniaŭ.
Kamientary