Prezident Finlandyi Alaksandr Stub raskazaŭ, što padčas pieramoŭ u Osła z udziełam śpiecyjalnaha pradstaŭnika prezidenta ZŠA Styva Uitkafa abmiarkoŭvalisia pytańni biaśpieki, enierhietyki i ekanomiki ŭ kantekście vajny Rasii suprać Ukrainy. Pra heta finski lidar zajaviŭ na sumiesnaj pres-kanfierencyi z kiraŭnikami Ukrainy i Narviehii ŭ Osła, paviedamlaje «Jeŭrapiejskaja praŭda».
Pa słovach Stuba, pieramovy adbyvalisia na dvuch uzroŭniach: abmierkavańnie karotkaterminovych zadač i razhlad ahulnaj karciny mahčymaha mirnaha ŭrehulavańnia.
«U ahulnaj karcinie my znajšli niekatoryja elemienty miru, jakija zaŭtra buduć pieradadzienyja ŭ Sankt-Pieciarburh. My abmierkavali i vyznačyli klučavyja elemienty, źviazanyja ź biaśpiekaj, a taksama z ekanomikaj. Usie hetyja prapanovy byli staranna prapracavanyja pradstaŭnikami ZŠA, Ukrainy i klučavych jeŭrapiejskich krain», — skazaŭ prezident Finlandyi.
Što da karotkaterminovych zadač, to havorka išła pra supraćpavietranuju abaronu, enierhietyčnuju infrastrukturu i častkovaje spynieńnie ahniu, u tym liku dziela zabieśpiačeńnia enierhietyčnaj i charčovaj biaśpieki.
Stub dadaŭ, što ŭ sieradu Uitkaf paviazie ŭ Sankt-Pieciarburh prapanovy, padrychtavanyja na asnovie abmierkavańniaŭ pamiž pradstaŭnikami ZŠA, Ukrainy i jeŭrapiejskich krain.
«My całkam razumiejem, što publična budzie šmat šumu, ale na techničnym uzroŭni my ličym, što pieramovy prasoŭvajucca vielmi dobra», — adznačyŭ finski prezident.
Pavodle jaho słoŭ, u pieramoŭnym pracesie pastajanna dasiahajecca prahres, choć u publičnaj prastory heta nie zaŭsiody vidavočna.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy28
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary