Na aŭkcyjon vystavili budynak, dzie raniej byŭ ofis «Trajpła»
Pačatkovaja cana — bolš za 8 miljonaŭ dalaraŭ.
Budynak na praśpiekcie Pieramožcaŭ u Minsku, dzie raniej znachodziŭsia hałoŭny ofis kampanii «Trajpł», vystavili na aŭkcyjon. Infarmacyja pra heta źjaviłasia na placoŭcy pa prodažy majomaści «BiełJurZabieśpiačeńnie», piša Realt.by.
Vaśmipaviarchovy budynak na praśpiekcie Pieramožcaŭ, 51/2 vystavili na aŭkcyjon za daŭhi ŭładalnika. Tut raźmiaščajucca ofisy roznych kampanij. Raniej u hetym budynku znachodziŭsia hałoŭny ofis «Trajpła».
Daŭžnikom u infarmacyi pra aŭkcyjon značycca kampanija «Biełsiciojł». Viadoma, što ŭ 2022 hodzie hetaja kampanija nabyła siadzibu «Makoŭza», jakuju pradavali za daŭhi «Trajpła». Tady ŭładalnikam «Biełsiciojł» byŭ syn Juryja Čyža.
Płošča ofisnych pamiaškańniaŭ, vystaŭlenych na aŭkcyjon na praśpiekcie Pieramožcaŭ, składaje kala 6,6 tysiačy kvadratnych mietraŭ. Aŭkcyjon zapłanavany na 20 kastryčnika, zajaŭki na ŭdzieł prymajuć da 16:00 19 kastryčnika. Pačatkovy košt — 25 miljonaŭ rubloŭ (8,3 miljona dalaraŭ).
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary