Łukašenka ŭdziačny Trampu za toje, što jon ahaliŭ palityku Zachadu
«My ŭbačyli sapraŭdnaje abličča zachodniaj palityki, zachodniaj dypłamatyi i pierš za ŭsio ZŠA», — skazaŭ biełaruski palityk.
Alaksandr Łukašenka ŭdziačny Donaldu Trampu za toje, što toj da kanca ahaliŭ palityku Zachadu. Pra heta jon zajaviŭ na sustrečy z kiraŭnikami ŭradavych delehacyj, jakija ŭdzielničajuć u pasiadžeńni Jeŭrazijskaha mižuradavaha savieta ŭ Minsku piša BiełTA.
«Niahledziačy na tuju mituśniu, jakaja časta zychodzić ad Trampa (ranicaj — adno, viečaram — inšaje), ja jamu ŭdziačny za toje, što jon adkryta ahaliŭ palityku Zachadu i pierš za ŭsio ZŠA. Voś jak jość», — zajaviŭ jon.
«Vieniesueła — heta nafta. Kuba — heta naša (havorka pra ZŠA) biaśpieka, tut ni Rasii, ni Kitaju, nikomu tut spravy być nie pavinna, heta — naša. Hrenłandyja — jana patrebnaja kamuści. Jon nie chavajecca za niejkimi dypłamatyčnymi farmuloŭkami. A my ŭbačyli sapraŭdnaje abličča zachodniaj palityki, zachodniaj dypłamatyi i pierš za ŭsio ZŠA. Zychodziačy z hetaha vy, bačačy ich palityku, rabicie dla siabie vysnovy», — skazaŭ Alaksandr Łukašenka.
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary